పాక్ బౌలర్లకు ఆ టాలెంటే లేదు.. బుమ్రా ముందు వాళ్లంతా వేస్ట్: వకార్ యూనిస్ కామెంట్స్ వైరల్!

Waqar Younis: పాకిస్తాన్ క్రికెట్ అనగానే ఒకప్పుడు భీకరమైన ఫాస్ట్ బౌలర్లు గుర్తుకొచ్చేవాళ్ళు.. కానీ కాలం మారింది, ఇప్పుడు పాక్ క్రికెట్ పరిస్థితి దయనీయంగా తయారైంది. సరిగ్గా ఇదే విషయాన్ని పాకిస్తాన్ మాజీ పేసర్ వకార్ యూనిస్ (Waqar Younis) ఓ పోడ్‌కాస్ట్‌లో బయటపెట్టాడు. పరిమిత ఓవర్ల క్రికెట్‌లో టీమిండియా పేస్ గన్ జస్‌ప్రీత్ బుమ్రా (Jasprit Bumrah) దెబ్బకు పాక్ బౌలర్లు ఎక్కడా నిలవలేరని, అసలు బుమ్రా దరిదాపుల్లోకి కూడా ఎవరూ రాలేరని కుండబద్దలు కొట్టాడు. పాకిస్తాన్ మాజీ ఆటగాడే స్వయంగా ఇండియన్ ప్లేయర్ల గొప్పతనాన్ని ఒప్పుకోవడం ప్రస్తుతం సోషల్ మీడియాలో హాట్ టాపిక్‌గా మారింది. 

పాక్‌కు ఆ తలరాత లేదు.. బుమ్రాతో పోలికేంటి?:

* పాకిస్తాన్  బౌలర్లు తమ జట్టును ఎప్పుడూ గెలిపించలేకపోతున్నారని పరోక్షంగా ఎద్దేవా చేస్తూ వకార్ యూనిస్ అసలు నిజాలని బయట పెట్టాడు. 

* పాక్ పై బుమ్రా పగడపు కోట: 2024 టీ20 వరల్డ్ కప్‌లో న్యూయార్క్‌లో పాకిస్తాన్ గెలవాల్సిన మ్యాచ్‌ను బుమ్రా ఒక్కడూ ఎలా తిప్పికొట్టాడో వకార్ గుర్తుచేసుకున్నాడు. పాకిస్తాన్ ఆ మ్యాచ్ కోల్పోవడానికి అసలు కారణమే లేదు.. కానీ బుమ్రా దెబ్బకు రిజ్వాన్ అండ్ కో పెవిలియన్ చేరింది. పాక్ కెప్టెన్‌కు కష్టమొస్తే ఎవరో దిక్కుతోచదు.. కానీ రోహిత్ శర్మ మాత్రం బంతిని టక్కున బుమ్రా చేతిలో పెట్టి మ్యాచ్ గెలిపిస్తాడు అంటూ పాక్ బౌలర్ల అసమర్థతను ఎత్తిచూపాడు.

* వైట్ బాల్ కింగ్: వైట్ బాల్ క్రికెట్‌లో జస్ప్రీత్ బుమ్రా లెవెలే వేరని, ఒత్తిడిలో మ్యాచ్‌లను మలుపు తిప్పే దమ్ము ఒక్క బుమ్రాకే ఉందని వకార్ కితాబిచ్చాడు.

టెస్టుల్లో బుమ్రాపై వకార్ కౌంటర్: 

వైట్ బాల్‌లో బుమ్రాను పొగిడిన వకార్.. టెస్టుల విషయానికి వచ్చేసరికి తనలోని పాకిస్తానీ నైజాన్ని బయటపెట్టాడు. ఆస్ట్రేలియాకు చెందిన మిచెల్ స్టార్క్, జోష్ హేజెల్‌వుడ్‌లతో బుమ్రాను పోలుస్తూ.. టెస్టుల్లో బుమ్రా ఇంకా చాలా నిరూపించుకోవాలి, ఎందుకంటే అతను ఆస్ట్రేలియా పేసర్ల అంత మ్యాచ్‌లు ఆడలేదంటూ కాస్త తక్కువ చేసే ప్రయత్నం చేశాడు.

ఇండియన్ ఫ్యాన్స్ సెటైర్స్: 

అయితే, వకార్ యూనిస్ చేసిన ఈ వ్యాఖ్యలపై భారత క్రికెట్ అభిమానులు సోషల్ మీడియాలో సెటైర్లు పేలుస్తున్నారు. పాకిస్తాన్‌లో దశాబ్దాలుగా ఆడితేనేం.. ఆస్ట్రేలియాలో ఒక్క టెస్టు సిరీస్ గెలవలేని పాక్ ప్లేయర్స్, మా బుమ్రా గురించి మాట్లాడటం దయ్యాలు వేదాలు వల్లించినట్లే అంటూ గట్టిగానే కౌంటర్ ఇస్తున్నారు. ఏది ఏమైనా, పాక్ మాజీ దిగ్గజమే స్వయంగా ఇండియన్ పేసర్ల దమ్మును ఒప్పుకోవడం ఇక్కడ అసలు విశేషం. 

జస్‌ప్రీత్ బుమ్రా కెరీర్: 

* టెస్టులు: 52 మ్యాచ్‌లు | 234 వికెట్లు | 19.7 సగటు | 42.8 స్ట్రైక్ రేట్

* వన్డేలు: 91 మ్యాచ్‌లు | 151 వికెట్లు | 23.7 సగటు

* టీ20లు: 100 మ్యాచ్‌లు | 126 వికెట్లు | 6.53 ఎకానమీ