- పార్లమెంటరీ ఐడీని దుబాయ్లో ఉపయోగించారు : నిషికాంత్
న్యూఢిల్లీ: తృణమూల్ కాంగ్రెస్ ఎంపీ మహువా మొయిత్రాపై బీజేపీ ఎంపీ నిషి కాంత్ దూబే మరోసారి సంచలన ఆరో పణలు చేశారు. ఆమె భారత్లో ఉన్న ప్పుడు ఆమె పార్లమెంటరీ ఐడీని మరొకరు దుబాయ్లో ఉపయో గించారని పేర్కొ న్నారు. ఈ అంశాన్ని నేషనల్ ఇన్ఫర్మేటిక్స్ సెంటర్ (ఎన్ఐసీ) దర్యాప్తు సంస్థలకు తెలి యజేసిందని శనివారం ఆయన ట్విట్టర్లో ఆరోపించారు. మహువా పేరును ప్రస్తావించకుండా "ఒక ఎంపీ డబ్బు కోసం దేశ భద్రతను తాకట్టు పెట్టారు.
ఆమె భారత్లో ఉన్నప్పుడు దుబాయ్లో ఆమె పార్లమెంటు ఐడీ తెరవబడింది. మొత్తం భారత ప్రభుత్వం, ప్రధానమంత్రి, ఆర్థిక శాఖ, కేంద్ర సంస్థలు ఈ ఎన్ఐసీలో ఉన్నాయి. టీఎంసీ, ప్రతిపక్షాలు ఇప్పటికీ దీనిని రాజకీయం చేయాలను కుంటున్నాయా? దీనిపై ఇక ప్రజలదే నిర్ణయం" అని ట్వీట్ చేశారు.అయితే, ఏ ఏజెన్సీకి సమాచారం అందించిందో మాత్రం ఆయన వెల్లడించలేదు. మహువా మొయిత్రా.. అదానీ గ్రూప్, ప్రధాని నరేంద్ర మోదీని లక్ష్యంగా చేసుకొని పార్లమెంట్లో ప్రశ్నలు వేసేందుకు వ్యాపారవేత్త దర్శన్ హీరానందానీ నుంచి డబ్బులు తీసుకున్నారని ఆరోపిస్తూ ఇటీవల నిషికాంత్ దూబే లోక్సభ స్పీకర్కు ఫిర్యాదు చేశారు.