మంచిర్యాల, వెలుగు: దేశంలో బీజేపీ పాలన ప్రజాస్వామ్యానికే ప్రమాదమని తెలంగాణ జన సమితి చైర్మన్ప్రొఫెసర్ కోదండరామ్ అన్నారు. ఆదివారం మంచిర్యాలలోని చార్వాక ట్రస్ట్భవన్లో ‘ప్రమాదంలో ప్రజాస్వామ్యం – పార్లమెంట్ఎన్నికలు – మన కర్తవ్యం’ అంశంపై ప్రజా సంఘాల నాయకులతో కలిసి సదస్సు నిర్వహించారు.
దీనికి ముఖ్య అతిథిగా హాజరైన కోదండరామ్ మాట్లాడుతూ... భారత రాజ్యాంగం పౌరులందరికీ భావ ప్రకటన స్వేచ్ఛను, సమాన అవకాశాలను కల్పించిందన్నారు. భారత ప్రజాస్వామ్య వ్యవస్థ గొప్పతనాన్ని ప్రపంచ దేశాలు ప్రశంసిస్తున్నాయని చెప్పారు. కానీ, బీజేపీ రాజ్యాంగ హక్కులను కాలరాస్తోందన్నారు. ఆ పార్టీ మరోసారి కేంద్రంలో అధికారంలోకి వస్తే రాజ్యాంగ మార్పు తప్పదన్నారు. దీనివల్ల పౌరుల హక్కులకు భంగం కలుగుతుందని, ఇది దేశానికే ప్రమాదకరమని హెచ్చరించారు.
రాజకీయ లబ్ధి కోసం కులం, మతం పేరుతో చిచ్చు పెడుతున్న బీజేపీ చర్యలను ఈ ఎన్నికల్లో ప్రజలు తిప్పికొట్టాలని పిలుపునిచ్చారు. అసెంబ్లీ ఎన్నికల్లో నియంతృత్వ బీఆర్ఎస్ను ఓడించినట్టే పార్లమెంట్ఎన్నికల్లో ఇండియా కూటమిని గెలిపించి మతతత్వ బీజేపీకి బుద్ధి చెప్పాలన్నారు. టీజేఎస్స్టేట్ఆర్గనైజింగ్సెక్రటరీ బాబన్న, నాయకులు రాంచంద్రారెడ్డి, బచ్చలి ప్రవీణ్కుమార్, గొడిసెల శ్రీనివాస్, సీనియర్ జర్నలిస్టు ఎండీ.మునీర్, కాంగ్రెస్లీడర్లు కె.రవి, శ్యాంసుందర్రెడ్డి, జైపాల్సింగ్, సత్యం పాల్గొన్నారు.
