ముషీరాబాద్, వెలుగు: ముషీరాబాద్ సెగ్మెంట్ జనం మార్పు కోరుకుంటున్నారని ఆ పార్టీ సీనియర్ నేత డీఎస్ రెడ్డి తెలిపారు. సెగ్మెంట్లో ఆశించిన స్థాయిలో అభివృద్ధి జరగకపోవడమే అందుకు కారణమన్నారు. శనివారం గాంధీనగర్లోని తన ఆఫీసులో ఏర్పాటు చేసిన సమావేశంలో డీఎస్ రెడ్డి మాట్లాడారు. ముషీరాబాద్లో ఇప్పటికీ డ్రైనేజీ, తాగు నీటి పైప్ లైన్ వ్యవస్థ సరిగా లేదన్నారు.
డివిజన్లోని బస్తీలు, కాలనీల్లో రోడ్లు దారుణంగా ఉన్నాయన్నారు. కేంద్ర మంత్రి కిషన్ రెడ్డి మంజూరు చేసిన నిధులతో సెగ్మెంట్లో అభివృద్ధి పనులు జరుగుతున్నాయన్నారు. నాయకులు, కార్యకర్తలు కష్టపడితే ముషీరాబాద్లో బీజేపీ జెండా ఎగురుతుందన్నారు. రాష్ట్రంలోనూ బీజేపీ గెలిపించుకోవాలన్నారు. కార్యక్రమంలో నేతలు, కార్యకర్తలు పాల్గొన్నారు.
