లింగంపేట, వెలుగు: కామారెడ్డి జిల్లా లింగంపేట మండలం భవానీపేట గ్రామంలో ఆదివారం బ్లాస్టింగ్ కలకలం రేపింది. బ్లాస్టింగ్తో చుట్టుపక్కల ఇండ్లు పాక్షికంగా దెబ్బతినగా, ఒక బైక్ ధ్వంసమైంది. గ్రామానికి చెందిన దర్శనం సిద్దిరాములు తన వ్యవసాయ భూమిలోని బండరాళ్లను తొలగించేందుకు జిలెటిన్ స్టిక్స్తో బండరాళ్లను పేల్చారు.
బండరాళ్లు ఎగిరిపడి బిట్ల పోశెట్టి, ఆర్లపోచయ్య, బిట్లసాయిలు ఇండ్లపై పడడంతో దెబ్బతిన్నాయి. ఆర్ల పోచయ్యకు చెందిన బైక్ ధ్వంసమైంది. ఘటనా స్థలాన్ని ఎల్లారెడ్డి సీఐ రవీందర్నాయక్, లింగంపేట ఎస్సై పాటిల్ వెంకట్రావు, ప్రొబేషనరీ ఎస్సై రాఘవేందర్ పరిశీలించారు. బాధితుల ఫిర్యాదు మేరకు కేసు నమోదు చేసినట్లు ప్రొబేషనరీ ఎస్సై తెలిపారు.
