ఇటీవల నేషనల్ క్రష్ రష్మిక మందన్నా(Rashmika Mandanna) కి సంబందించిన డీప్ ఫేక్ వీడియో(Deep Fake video) వైరల్ అయిన విషయం తెలిసిందే. ఈ వీడియో నేషనల్ వైడ్ సంచలనంగా మారింది. డీప్ నేక్ తో కాస్త వల్గర్ ఉన్న వీడియోకి రష్మిక మొహాన్ని యాడ్ చేసి ఆ వీడియోను సోషల్ మీడియాలో షేర్ చేశారు కొందరు ఆకతాయిలు. దీంతో ఆ వీడియో కాస్త వైరల్ గా మారింది.
ఈ డీప్ ఫేక్ వీడియోపై దాదాపు టాప్ సెలబ్రెటీస్ అందరు స్పందించారు. ఇలాంటి వారిని ఉపేక్షించకూడదని, ఆ వీడియో చేసిన వారిపై చట్టపరమైన చర్యలు తీసుకోవాలని డిమాండ్ చేశారు. అంతే వేగంగా కేంద్ర ప్రభుత్వం స్పందించి.. ఆ వీడియో చేసినవారిపై కఠిన చర్యలు తీసుకుంటామని తెలిపింది.
ఇదిలా ఉంటే.. తాజాగా మరో స్టార్ హీరోయిన్ డీప్ ఫేక్ వీడియో వైరల్ గా మారింది. ఈసారి బాలీవుడ్ స్టార్ కాజోల్(Kajol) ను టార్గెట్ చేశారు. ఆ వీడియోలో ఎవరో బట్టలు మార్చుకున్నట్లుగా ఉంది. దానికి కాజోల్ పేస్ ను యాడ్ చేసి వీడియో క్రియేట్ చేశారు. ప్రస్తుతం ఆ వీడియో సోషల్ మీడియాలో వైరల్ గా మారింది. మరి కేంద్ర ప్రభుత్వం హెచ్చరిస్తున్నా లెక్కచేయకుండా.. ఇలాంటి అసభ్యకరమైన వీడియోలు చేస్తున్న ఆకతాయిలపై ఎలాంటి యాక్షన్ తీసుకోనున్నారో చూడాలి.
