పవర్ స్టార్ పవన్ కల్యాణ్(Pawan Kalyan), సుప్రీం హీరో సాయి ధరమ్(Sai Dharam) కాంబో లో వస్తోన్న మూవీ 'BRO'. ఈ మూవీ ప్రీ రిలీజ్ ఈవెంట్ ఇవాళ జూలై 25న హైదరాబాద్ శిల్పకళా వేదికలో జరుగుతున్న సంగతి తెలిసిందే.
కాగా లేటెస్ట్ అప్డేట్ మేరకు ప్రీ రిలీజ్ ఈవెంట్ టైమింగ్స్ లో స్వల్ప మార్పులు ఉన్నాయని మేకర్స్ ప్రకటించారు. ఇవాళ సా. 6 గంటలకు స్టార్ట్ అవ్వాల్సిన ఫంక్షన్.. రాత్రి 8:30pm గంటలకు టైమింగ్ చేంజ్ చేసినట్లు తెలిపారు. హైదరాబాద్ లో కురుస్తున్న వర్షాల కారణంగా ఈ మార్పును చేస్తూ నిర్ణయం తీసుకున్నారు. పవర్ స్టార్ ఫ్యాన్స్ కు ఇబ్బందులు కలగకుండా..ప్రతి ఒక్కరు 8:30 గంటలకు వేదిక వద్దకు చేరుకోవాలని యూనిట్ సభ్యులు సూచించారు.
పవర్ స్టార్ ఫ్యాన్స్ ఈ ఈవెంట్ కు భారీగా తరలి వస్తుండటంతో.. వర్షాల వాళ్ళ చాలా ఇబ్బందులు పడుతున్నట్లు తెలుస్తోంది. కనుక వారిని కంట్రోల్ చేయడానికి ముందుగానే అన్ని జాగ్రత్తలు తీసుకోనున్నారని తెలుస్తోంది. ఇప్పటికే ఈ మూవీ నుంచి రిలీజైన పోస్టర్స్..సాంగ్స్.. ఫాన్స్ కు పిచ్చెక్కిస్తున్నాయి.
తమిళంలో ఘన విజయం సాధించిన ‘వినోదయ సిత్తం’ రీమేక్‌గా ఇది తెరకెక్కుతోంది. నటుడు సముద్రఖని దర్శకత్వం వహిస్తున్న ఈ సినిమాకు త్రివిక్రమ్ మాటలు, స్క్రీన్ ప్లే అందిస్తున్నారు. ఈ చిత్రాన్ని పీపుల్స్ మీడియా ఫ్యాక్టరీ నిర్మిస్తుండగా.. జులై 28న ప్రపంచ వ్యాప్తంగా థియేటర్లలో రిలీజ్ కాబోతోంది.
