పవర్ స్టార్ పవన్ కళ్యాణ్(Pawan Kalyan) తో.. సుప్రీం హీరో సాయి ధరమ్ తేజ్( Sai Dharam Tej) కాంబోలో వస్తున్న మూవీ 'BRO'.. తాజాగా మరో అప్ డేట్ ఇచ్చింది చిత్రయూనిట్. ఈ మూవీ నుంచి ఫస్ట్ సింగిల్ఇవాళ (జూలై 8న) సాయంత్రం విడుదల చేయనున్నారు. మై డియర్ మార్కండేయ అంటూ సాగే ఈ సాంగ్ శనివారం సాయంత్రం 4.05 గంటలకు రిలీజ్ చేయనున్నారు మేకర్స్.
ఈ సాంగ్ 4 నిమిషాల 23 సెకన్ల తో స్పీకర్స్ పగిలిపోవడం ఖాయం అంటున్నారు మ్యూజిక్ డైరెక్టర్ థమన్. ఈ అప్డేట్ తో ఫ్యాన్స్ ఊగిపోతున్నారు. మై డియర్ బ్రదర్స్ గెట్ రెడీ అంటూ ఫ్యాన్స్ నెట్టింట్లో ట్వీట్స్ పెడుతున్నారు.
ఈ మూవీకి తమన్ సంగీతం అందిస్తుండగా..ఈ చిత్రంలో కేతికా శర్మ, ప్రియాప్రకాష్ వారియర్ హీరోయిన్లుగా నటిస్తున్నారు. తమిళ మూవీ వినోదయ సీతంకు రీమేక్‌గా సముద్రఖని(Samuthirakani) బ్రో మూవీని తెరకెక్కిస్తున్నారు. త్రివిక్రమ్(Trivikram) మాటలు అందిస్తుండగా..పీపుల్ మీడియా ఫ్యాక్టరీ(People Media Factory) బ్యానర్ పై నిర్మిస్తున్నారు.
