![రాజన్న ఆదాయం రూ.1.55కోట్లు](https://static.v6velugu.com/uploads/2023/11/calculation-of-income_3xIqHo2Aji.jpg)
వేములవాడ, వెలుగు : రాష్ట్రంలో ప్రసిద్ద పుణ్యక్షేత్రం వేములవాడ రాజరాజేశ్వర స్వామి వారికి హుండీ లెక్కింపులో భారీగా ఆదాయం సమకూరింది. 21 రోజుల హుండీలను ఆలయ ఓపెన్ స్లాబ్ లో ప్రత్యేక బందోబస్తు, సీసీ కెమెరాల పర్యవేక్షణలో లెక్కించారు. రూ.కోటి 55 లక్షల, 427 రూపాయల నగదుతో పాటు 258 గ్రాముల బంగారం, 13 కిలోల వెండి వచ్చిందని ఆలయ ఈఓ కృష్ణ ప్రసాద్ తెలిపారు. ఆలయ ఉద్యోగులు, శివరామకృష్ణ భజన మండలి హుండీ లెక్కింపులో పాల్గొన్నారు.