- ప్రతి నిమిషం కీలకమే
- రెండు రోజులు గ్యాప్ లేకుండా ప్రచారానికి ప్లాన్
- నిజామాబాద్ ముఖ్య లీడర్ల సభలతో వచ్చిన జోష్
- పోలింగ్ దాకా కంటిన్యూ చేయాలని నిర్ణయం
నిజామాబాద్, వెలుగు: పార్లమెంట్ఎన్నికల ప్రచారానికి కౌంట్డౌన్ షురూ కావడంతో బరిలో ఉన్న ప్రధాన పార్టీల అభ్యర్థులు జోష్ పెంచారు. మరి కొన్ని36 గంటల్లో ప్రచారంముగియనున్న దృష్ట్యా దూకుడుగా వెళ్లాలని డిసైడ్ అయ్యారు. బీజేపీ, కాంగ్రెస్, బీఆర్ఎస్ పార్టీల నుంచి వార్డులు, డివిజన్లు, విలేజ్లలో కార్యకర్తలను డోర్టు డోర్ ప్రచారానికి దింపారు. లీడర్ల ప్రచారం తప్పితే నిన్నటి దాకా భిన్నంగా ఉన్న పల్లె వాతావరణం ఒక్కసారిగా మారింది. పార్టీ కండువాలు మెడలో వేసుకొని ఇంటింటికి వెళ్లి ప్రచారం చేస్తున్నారు.
అభ్యర్థుల ఉరుకులు.. పరుగులు
ఇందూర్ పార్లమెంట్స్థానంలో మొత్తం 29 మంది పోటీ చేస్తుండగా ముఖ్య పార్టీలైన బీజేపీ నుంచి అర్వింద్, కాంగ్రెస్ పక్షాన ఎమ్మెల్సీ జీవన్రెడ్డి, బీఆర్ఎస్ నుంచి బాజిరెడ్డి గోవర్ధన్ నుంచి బరిలో ఉన్నారు. ఈ ముగ్గురూ గెలుపును సవాల్గా తీసుకొని ముందుకు సాగుతున్నారు. ఎండల తీవ్రత కూడా ప్రచారంపై ప్రభావం చూపింది. 13న పోలింగ్ జరగనుండగా 11న సాయంత్రం 6 గంటలకు ప్రచారం క్లోజ్ కానుంది. ఎండల కారణంగా కార్యకర్తలు బయటకు వచ్చి ప్రచారం చేయడానికి ఇష్టపడలేదు. అభ్యర్థులు కూడా వారిని ఒత్తిడి చేయలేదు. ఎండలు కాస్త తగ్గడంతో సీన్మారి హుషారుగా ప్రచారం చేస్తున్నారు. ముగ్గురు క్యాండిడేట్లు ప్రచారానికి సంబంధించి ప్రతి నిమిషాన్ని యూజ్ చేసుకోవాలని డిసైడ్ అయ్యారు. ఆఖరు రోజు అసెంబ్లీ సెగ్మెంట్లలో భారీ ర్యాలీలతో క్లోజింగ్ ప్లాన్ చేశారు.
బడా నాయకులు హాజరు
మార్చి 18న బీజేపీ అభ్యర్థి అర్వింద్ కోసం ప్రచారానికి ప్రధాని మోదీ జగిత్యాల వచ్చారు. అక్టోబర్ 2న నిజామాబాద్లో భారీ సభ నిర్వహించారు. గత నెల 25న ఉత్తరాఖండ్ సీఎం పుష్కర్సింగ్ ధామి ఇందూర్ రాగా ఈనెల 5న కేంద్ర హోం మంత్రి అమిత్షా ప్రచార సభకు అటెండ్అయ్యారు. కాంగ్రెస్ అభ్యర్థి జీవన్రెడ్డి ప్రచారానికి సీఎం రేవంత్రెడ్డి నిజామాబాద్కు గత నెల 22న మే 1న కోరుట్లకు 8న ఇందూరుకు మరోసారి వచ్చారు. బీఆర్ఎస్ క్యాండిడేట్ బాజిరెడ్డి గోవర్ధన్ ప్రచారానికి పార్టీ అధినేత ఈనెల 5, 6 తేదీల్లో జగిత్యాల, నిజామామాద్ వచ్చారు. గెలుపును ప్రతిష్టాత్మకంగా తీసుకుని కీలక నేతలు చేసిన ప్రచారం క్యాడర్లో జోష్ పెంచింది. దీన్ని పోలింగ్ దాకా కొనసాగించాలని అభ్యర్థులు ప్రయత్నిస్తున్నారు.
