నిర్మల్ జిల్లాలో ఘోర ప్రమాదం జరిగింది. డివైడర్ ను ఢీకొన్న కారులో మంటలు చెలరేగి ఓ వ్యక్తి సజీవ దహనం అయ్యాడు. నిర్మల్ జిల్లా సోపీనగర్ లో శనివారం ( నవంబర్ 14 ) చోటు చేసుకుంది ఈ ఘటన. కారు వేగంగా వచ్చి డివైడర్ ను ఢీకొనడంతో ఒక్కసారిగా మంటలు చెలరేగాయి. దీంతో కారులో ఉన్న వ్యక్తి సజీవ దహనమయ్యారు.
ఘటన జరిగిన సమయంలో కారులో భారీగా మంటలు చెలరేగాయని..కారులో ఉన్న వ్యక్తిని బయటికి తీసేలోపే సజీవ దహనమయ్యాడని తెలిపారు స్థానికులు. ఈ ఘటనపై సమాచారం అందుకున్న ఫైర్ సిబ్బంది ఘటనాస్థలానికి చేరుకొని మంటలను అదుపులోకి తెచ్చారు.
ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు.మితిమీరిన వేగమే ప్రమాదానికి కారణమని భావిస్తున్నట్లు తెలిపారు పోలీసులు. మృతుడి వివరాలు తెలియాల్సి ఉంది.
