Vaibhav Sooryavanshi : భారత క్రికెట్‌లోని యంగ్ సెన్సేషన్ వైభవ్ సూర్యవంశీ (Vaibhav Sooryavanshi) మరో ప్రపంచ రికార్డును తన ఖాతాలో వేసుకున్నాడు. కేవలం 15 ఏళ్ల వయసులోనే టీ20 క్రికెట్ చరిత్రలోనే అత్యంత పిన్న వయస్కుడైన కెప్టెన్‌గా నిలిచి చరిత్ర సృష్టించాడు. ప్రస్తుతం జరుగుతున్న సయ్యద్ ముస్తాక్ అలీ ట్రోఫీ (SMAT 2026) లో బీహార్ సీనియర్ జట్టుకు సారథ్యం వహించడం ద్వారా వైభవ్ ఈ అరుదైన మైలురాయిని అందుకున్నాడు. ఈరోజు (2026, నవంబర్ 14, శనివారం) ఇండోర్‌లోని హోల్కర్ స్టేడియంలో సౌరాష్ట్రతో జరిగిన ఎలైట్ గ్రూప్-బి మ్యాచ్‌లో టాస్ వేయడానికి మైదానంలోకి అడుగు పెట్టగానే ఈ చరిత్ర అతడి పేరుపై లిఖించబడింది.
17 ఏళ్ల పాత రికార్డులన్నీ బద్దలు:
ఇప్పటి వరకు పురుషుల టీ20 క్రికెట్‌లో అత్యంత చిన్న వయసులో కెప్టెన్సీ చేసిన రికార్డు 17 ఏళ్ల ఆటగాళ్ల పేరిట ఉండేది. కానీ 15 ఏళ్ల వైభవ్ సూర్యవంశీ ఆ రికార్డులన్నింటినీ చెరిపేశాడు.
* 1వ స్థానం: వైభవ్ సూర్యవంశీ (బీహార్, భారత్) – 15 ఏళ్లు (నవంబర్ 2026)
* 2వ స్థానం: జాక్ వుకుసిక్ (క్రొయేషియా) – 17 ఏళ్ల 311 రోజులు (ఆగస్టు 2025, సైప్రస్‌పై)
* 3వ స్థానం: తైమూర్ అలీ (క్వెట్టా బేర్స్, పాకిస్థాన్) – 17 ఏళ్ల 358 రోజులు (2009)
బీహార్ క్రికెట్ అసోసియేషన్ (BCA) నమ్మకం:
సయ్యద్ ముస్తాక్ అలీ ట్రోఫీ తొలి రెండు మ్యాచ్‌ల కోసం బీహార్ క్రికెట్ అసోసియేషన్ 17 మంది సభ్యుల జట్టును ప్రకటిస్తూ వైభవ్‌ను కెప్టెన్‌గా, సూరజ్ కశ్యప్‌ను వైస్ కెప్టెన్‌గా నియమించింది. దీనిపై BCA అధ్యక్షుడు హర్ష్ వర్ధన్ మాట్లాడుతూ.. వైభవ్ చిన్న వయసులోనే అద్భుతమైన ప్రతిభ, ఆత్మవిశ్వాసం, పరిణతిని చూపించాడు. ఈ కెప్టెన్సీ బాధ్యత అతడిని ఒక గొప్ప క్రికెటర్‌గా, నాయకుడిగా ఎదగడానికి మరింత ఉపయోగపడుతుందని ఆశాభావం వ్యక్తం చేశారు.
IPL 2026లో సునామీ.. ఆరెంజ్ క్యాప్ విజేత!
* ఈ ఏడాది ఆరంభంలో జరిగిన IPL 2026 లో రాజస్థాన్ రాయల్స్ (RR) తరఫున ఆడిన వైభవ్ సూర్యవంశీ పరుగుల వరద పారించాడు.
* రికార్డుల వేట: కేవలం 15 ఏళ్ల వయసులోనే 776 పరుగులు (స్ట్రైక్ రేట్ 237.30) సాధించి, ఐపీఎల్ చరిత్రలోనే అత్యంత పిన్న వయస్కుడైన ఆరెంజ్ క్యాప్ (Orange Cap) విజేతగా నిలిచాడు (గతంలో సాయి సుదర్శన్ 23 ఏళ్ల 231 రోజులు, శుభ్‌మన్ గిల్ 23 ఏళ్ల 263 రోజుల పేరిట ఈ రికార్డు ఉండేది).
* అవార్డుల పంట: ఒకే సీజన్‌లో ఏకంగా 72 సిక్సర్లు కొట్టిన వైభవ్.. మోస్ట్ వాల్యుబుల్ ప్లేయర్ (MVP), ఎమర్జింగ్ ప్లేయర్, సూపర్ స్ట్రైకర్, ఆరెంజ్ క్యాప్, సూపర్ సిక్సెస్ అవార్డులను సొంతం చేసుకుని ప్రపంచ క్రికెట్ దృష్టిని ఆకర్షించాడు.
🚨 Toss Update 🚨 Bihar have won the toss and elected to bat first against Saurashtra Vaibhav Sooryavanshi takes charge by becoming the youngest captain in Men's T20 history at just 15 👏 Scorecard ▶️ https://t.co/gfZV5ZjIph #SMAT | @mflone_ https://t.co/23RFmME9fA
— BCCI Domestic (@BCCIdomestic) November 14, 2026
