IPL 2027: డిసెంబర్ 16న జరగనున్న ఐపీఎల్ 2027 మినీ వేలానికి (IPL 2027 Mini Auction) ముందే ట్రేడ్ విండోలో సంచలనాలు నమోదవుతున్నాయి. రాజస్థాన్ రాయల్స్ (Rajasthan Royals) స్టార్ ఓపెనర్ యశస్వి జైస్వాల్ (Yashasvi Jaiswal)ను తమ జట్టులోకి తెచ్చుకునేందుకు కోల్‌కతా నైట్ రైడర్స్ (Kolkata Knight Riders) తెగ ప్రయత్నిస్తోంది. మరోవైపు, అజింక్య రహానే రిటైర్మెంట్ ప్రకటించడంతో KKR కొత్త కెప్టెన్గా రింకూ సింగ్‌కు పగ్గాలు అప్పగించాలని మాజీ క్రికెటర్ ఆకాశ్ చోప్రా సూచనలు జారీ చేశాడు.
జైస్వాల్ కోసం ముగ్గురు స్టార్ ఆటగాళ్లను వదులుకోనున్న కేకేఆర్:
* సంజు శాంసన్ జట్టును వీడిన తర్వాత రాజస్థాన్ రాయల్స్ కెప్టెన్సీని రియాన్ పరాగ్‌కు అప్పగించడంతో యశస్వి జైస్వాల్ అసంతృప్తిగా ఉన్నట్లు ఎప్పటి నుంచో వార్తలు వస్తున్నాయి. ఈ అవకాశాన్ని క్యాష్ చేసుకునేందుకు కేకేఆర్ (KKR) రంగంలోకి దిగింది.
* భారీ త్యాగానికి సిద్ధం: ప్రముఖ జర్నలిస్ట్ సాహిల్ మల్హోత్రా కథనం ప్రకారం.. జైస్వాల్‌ను దక్కించుకోవడానికి కోల్‌కతా యాజమాన్యం తమ జట్టులోని ఒక విదేశీ ఆల్‌రౌండర్ (బహుశా కామెరాన్ గ్రీన్) తో పాటు ఇద్దరు భారత ఆటగాళ్లను రాజస్థాన్‌కు ట్రేడ్ చేసేందుకు సిద్ధంగా ఉన్నట్లు సమాచారం.
* రాజస్థాన్ ముందున్న చిక్కు: ఒకవేళ జైస్వాల్‌ను వదులుకుంటే, యువ సంచలనం వైభవ్ సూర్యవంశీతో కలిసి ఇన్నింగ్స్‌ను ఎవరు ఆరంభిస్తారనేది రాజస్థాన్ రాయల్స్‌కు పెద్ద ప్రశ్నగా మారింది. దీంతో ఈ ట్రేడ్ డీల్‌పై చర్చలు ఇంకా కొలిక్కి రాలేదు.
కెప్టెన్గా రింకూ సింగ్.. రూ. 43 కోట్ల పర్స్‌తో వేలంలోకి కోల్‌కతా:
* ఐపీఎల్ 2026లో అజింక్య రహానే కెప్టెన్సీలో 7వ స్థానానికి పరిమితమైన కోల్‌కతా (KKR), ఇప్పుడు జట్టు ప్రక్షాళనపై దృష్టి పెట్టింది. రహానే రిటైర్ కావడంతో జట్టుకు కొత్త సారథి అవసరమయ్యాడు. దీనిపై JioStar షో గేమ్ ప్లాన్ లో ఆకాశ్ చోప్రా ఆసక్తికర వ్యాఖ్యలు చేశారు.
* రింకూ సింగ్ సరైనోడు: KKR ఇప్పటికే రింకూ సింగ్‌ను వైస్ కెప్టెన్గా నియమించింది. ఇటీవల UPT20 లీగ్‌లో మీరట్ మావెరిక్స్‌కు కెప్టెన్గా టైటిల్ కూడా అందించాడు. వేలంలో సరైన కెప్టెన్ దొరక్కపోతే, విదేశీ ఆటగాళ్ల వెంట పడకుండా రింకూ సింగ్‌కే కెప్టెన్సీ పగ్గాలు అప్పగించాలని ఆకాశ్ సూచించారు.
* గ్రీన్, పతిరానాలను వదిలేయండి: వచ్చే ఏడాది వన్డే ప్రపంచకప్, యాషెస్ సిరీస్ ఉన్నందున కామెరాన్ గ్రీన్ (రూ. 25.2 కోట్లు) అందుబాటులో ఉండటం అనుమానమే.. అలాగే గాయాలతో మే నెల నుంచి ఆటకు దూరంగా ఉన్న మతీషా పతిరానా (రూ. 18 కోట్లు)ను కూడా రిలీజ్ చేయాలని సూచించాడు. వీరిద్దరినీ వదిలేస్తే KKR పర్స్‌లోకి ఏకంగా రూ. 43 కోట్లు అదనంగా చేరుతాయని, వేలంలో అత్యధిక బడ్జెట్‌తో అడుగుపెట్టే జట్టుగా కోల్‌కతా నిలుస్తుందని ఆయన తెలిపాడు.
