జూబ్లీహిల్స్ పోలీస్ స్టేషన్ పరిధిలో కారు బోల్తా పడింది. రోడ్ నంబర్ 45లోని గీతా ఆర్ట్స్ కార్యాలయం ఎదురుగా అతివేగంగా వచ్చిన కారు డివైడర్ ను ఢీ కొట్టి పల్టీలు కొట్టింది. డివైడర్‌ను ఢీకొనడంతో కారు పల్టీలు కొడుతూ కొంతదూరం దూసుకుపోయింది. ఈ ప్రమాదంలో కారు ముందు భాగం నుజ్జు నుజ్జు అయింది. కారు నడుపుతున్న వ్యక్తికి తీవ్ర గాయాలయ్యాయి. అతనిని స్థానికులు ఆసుపత్రికి తరలించారు.
సమాచారం అందుకున్న పోలీసులు ఘటనా స్థలానికి చేరుకొని దర్యాప్తు చేపట్టారు. ఈ ఘటన సమయంలో కారులో డ్రైవర్ మాత్రమే ఉన్నాడని పోలీసులు తెలిపారు.
