బాలీవుడ్ హీరో రణ్‌వీర్‌ సింగ్ ఇటీవల ఒంటి పై నూలు పోగు లేకుండా చేసిన ఫొటో షూట్‌ ఇప్పుడు సోషల్ మీడియాలో ట్రెండింగ్ గా మారిన విషయం తెలిసిందే. ఈ నేపథ్యంలో తాజాగా ముంబయిలోని ఓ ఎన్జీవో చెంబూర్ పోలీస్ స్టేషన్ లో పిర్యాధు చేసింది. దీంతో నటుడు రణ్ వీర్ పై కేసు నమోదైంది.
ఇటీవల రణ్ వీర్ కు సంబంధించిన న్యూడ్ పిక్స్ పలు సామాజిక మాధ్యమాల్లో వైరల్ అయ్యాయి. ఈ ఫొటోలు మహిళల మనోభావాలను దెబ్బతీసేలా ఉన్నాయంటూ పలు మహిళలు సైతం ఆరోపించారు. దీంతో ఐపీసీ సెక్షన్ ప్రకారం యాక్ట్‌ 67ఏతో పాటు 292, 293, 509 సెక్షన్ల కింద కేసు నమోదు చేయాలని పోలీసులను కోరారు. కాగా ఈ టాప్ హీరో ఇలా ఫొటో షూట్‌ చేయడంపై సర్వత్రా చర్చనీయాంశంగా మారింది. కొందరు రణ్‌వీర్‌కు మద్ధతు నిలిస్తే, మరికొందరు మాత్రం నెగిటివ్‌ కామెంట్స్‌ చేస్తున్నారు.
