ములుగు/ ఖమ్మం టౌన్/ భద్రాచలం, వెలుగు : మున్సిపాలిటీల్లో జనగణన ప్రోగ్రామ్ ప్రారంభమైంది. ఇందులో భాగంగానే సోమవారం ములుగు మున్సిపాలిటీలో నిర్వహించిన హెచ్ఎల్బీఎస్ కార్యక్రమ సన్నాహక సమావేశంలో కమిషనర్ జె.సంపత్ మాట్లాడుతూ మున్సిపాలిటీ పరిధిలో నిర్వహించనున్న జగనణన హౌస్ లిస్టింగ్ ఎన్యూమరేషన్ కార్యక్రమాన్ని సమర్థవంతంగా నిర్వహించాలని, సమగ్ర కుటుంబ సమాచారాన్ని సేకరించాలని సూచించారు. ఖమ్మం నగర పాలక సంస్థ పరిధిలో ప్రారంభమైన జనగణన కార్యక్రమాన్ని మున్సిపల్ కమిషనర్ అభిషేక్ అగస్త్య, డిప్యూటీ కమిషనర్ శ్రీనివాస్, ఇతర ఆఫీసర్లు పరిశీలించారు.
ఈ సందర్భంగా సూపర్వైజర్లు, ఎన్యూమరేటర్లు, వార్డ్ ఆఫీసర్లకు పలు సూచనలు చేశారు. భద్రాచలం పట్టణాన్ని బ్లాక్లుగా విభజించి ఎన్యుమరేట్లను, సూపర్వైజర్లను నియమించి ఇంటింటికీ తిరిగి జాబితా తయారు చేసి లేఅవుట్ మ్యాపింగ్ సిద్ధం చేస్తున్నారు. ఈ మేరకు పట్టణంలోని వివిధ కాలనీల్లో నిర్వహిస్తున్న కార్యక్రమాన్ని భద్రాచలం తహసీల్దార్ధనియాల వెంకటేశ్వర్లు పరిశీలించి సూచనలిచ్చారు. భద్రాచలం పట్టణాన్ని 78 బ్లాకులుగా విభజించినట్లుగా తెలిపారు.
