ఆంధ్రప్రదేశ్ సీఎం వైఎస్ జగన్మోహన్ తల్లి వైఎస్ విజయమ్మ పేరుతో ఉన్న చారిటబుల్ ట్రస్టును కేంద్ర ప్రభుత్వం రద్దు చేసింది. దీంతోపాటు మరో మూడు సంస్థల రిజిస్ట్రేషన్లను కేంద్రం రద్దు చేసింది. విదేశీ నిధుల నియంత్రణ చట్టం -2010 లోని సెక్షన్ 14 కింద విజయమ్మ చారిటబుల్ ట్రస్టును కేంద్ర హోమ్ శాఖ రద్దు చేసింది.
తెలంగాణలో 90 , ఏపీలో 168 ఎన్జీవోలను కూడా రద్దు చేస్తూ కేంద్రం నిర్ణయం తీసుకుంది. విదేశాల నుంచి వస్తున్ననిధులు, వాటిని ఖర్చు చేస్తున్న తీరుపై కేంద్రానికి నివేదికలు పంపకపోవడంతో కేంద్రం రద్దు చేసింది. FCRA చట్టం ప్రకారం వార్షిక నివేదిలకు సమర్పించాలి. కానీ ఈ సంస్థలు 2017 -18 సంవత్సరానికి నివేదికలు పంపలేదు. రూరల్ ఎడ్యుకేషన్ డెవెలప్ మెంట్ సొసైటీ, రాయపాటి చారిటబుల్ ట్రస్టు, ఫిలడెల్ఫీయా జియాన్ మినిస్ట్రీస్, అరుణ మహిళా మండలి రిజిస్ట్రేషన్లు కూడా కేంద్రం రద్దు చేసింది.
