నీట్ పేపర్ లీకేజీ నేపథ్యంలో కేంద్ర ప్రభుత్వం కీలక నిర్ణయం తీసుకుంది. ఈ కేసు విచారణను సీబీఐకి అప్పగించింది. ఈ మేరకు కేంద్ర విద్యాశాఖ శనివారం అర్ధరాత్రి ప్రకటన విడుదల చేసింది. నీట్ ఎగ్జామ్లో అక్రమాలు, అవకతవకలు జరిగినట్టు ఆరోపణలు వచ్చినందున దీనిపై సమగ్ర విచారణ చేపట్టేందుకు కేసును సీబీఐకి అప్పగిస్తున్నామని అందులో పేర్కొంది.
మరోవైపు దేశవ్యాప్తంగా ఆదివారం జరగాల్సిన నీట్ పీజీ పరీక్షను కేంద్ర ఆరోగ్యశాఖ వాయిదా వేసింది. నీట్ యూజీ ఎగ్జామ్లో అక్రమాలు జరిగాయంటూ ఆరోపణలు వస్తున్న నేపథ్యంలో ముందు జాగ్రత్తగా నీట్ పీజీ పరీక్షను వాయిదా వేస్తున్నట్టు పేర్కొంది. ఎగ్జామ్ తేదీలను త్వరలోనే ప్రకటిస్తామని తెలిపింది.
