న్యూఢిల్లీ: మధ్యంతర బడ్జెట్లో విదేశాంగ శాఖకు రూ. 22,154 కోట్లు కేంద్ర ప్రభుత్వం కేటాయించింది. ఇతర దేశాలకు మనదేశం అందించే ఆర్థిక, అభివృద్ధి సాయం కింద అత్యధికంగా భూటాన్కు రూ.2,068 కోట్లు అందిచాలని నిర్ణయించారు. కనెక్టివిటీ ప్రాజెక్టుల్లో భాగంగా చాబహార్ పోర్టు కోసం రూ.100 కోట్లు కేటాయించారు. ఈసారి మాల్దీవులకు బడ్జెట్ రూ.600 కోట్లకు తగ్గించారు.
అఫ్గానిస్తాన్తో ఇప్పటికే ఉన్న ప్రత్యేక సంబంధాలకు కొనసాగింపుగా, ఆ దేశం కోసం రూ.200 కోట్ల బడ్జెట్ సాయాన్ని కేటాయించారు. అభివృద్ధి సాయం కింద బంగ్లాదేశ్కు రూ.120 కోట్లు, శ్రీలంకకు, రూ.75 కోట్లు, మయన్మార్కు రూ.250 కోట్లు, మారిషస్కు రూ.370 కోట్లు, నేపాల్కు రూ.700 కోట్లు అందించనున్నారు. ఆఫ్రికా దేశాలకు ప్రత్యేకంగా రూ.200 కోట్లు కేటాయించారు.
