సెలబ్రిటీలను ఇన్స్పిరేషన్గా తీసుకుని వాళ్లలా ఉండాలి అనుకునేవాళ్లు చాలామంది. అయితే ఈ అమ్మాయి మాత్రం వాళ్ల గొంతుని ఇమిటేట్ చేస్తోంది. పేరు చాందినీ భబ్దా. స్కూల్ డేస్ నుంచే మిమిక్రీ చేసేది. ‘కాఫీ విత్ కరణ్’ ఏడో సీజన్లో ఆలియాభట్ మాట్లాడినట్టే మాట్లాడుతూ వీడియో చేసింది చాందినీ. ఆ వీడియో ఇంటర్నెట్లో వైరల్ అవుతోంది. ఛాన్స్ వస్తే బాలీవుడ్లో నటించేందుకు రెడీ అంటోంది ఈ యంగ్స్టర్.
సోషల్మీడియాలో చాందినీ వీడియోలు వైరల్ కావడం ఇదే మొదటిసారి కాదు. రెండు నెలల క్రితం ‘ట్రుత్ ఆర్ డేర్’ టాస్క్లో ఒక పిజ్జా డెలివరీ కంపెనీకి ప్రాంక్ కాల్ చేసింది. అచ్చం ఆలియాభట్లా మాట్లాడి పిజ్జా ఆర్డర్ చేసింది. ఆ వీడియోని యాభై వేలమంది చూశారు. ఆలియా భట్ కూడా ఆ వీడియోని లైక్ చేసింది. చాందినీకి ఇన్స్టాగ్రామ్లో లక్షమందికి పైగా ఫాలోవర్స్ ఉన్నారు.
టీచర్ తిట్టింది
ముంబైలో పుట్టిన చాందినీ మిమిక్రీ ఆర్టిస్ట్ మాత్రమే కాదు కంటెంట్ క్రియేటర్, వీడియో జాకీ కూడా. తండ్రి మదన్ మోహన్ క్రిమినల్ లాయర్. అమ్మ సులోచన హిందీ టీచర్. చాందినీ ప్రస్తుతం లా చదువుతోంది. చిన్నప్పట్నించి చాందినీకి మిమిక్రీ చేయడం ఇష్టం. స్కూల్లో కూడా టీచర్ల గొంతుని ఇమిటేట్ చేసేది. అది చూసి ఒక టీచర్ చాంద్నీని తిట్టింది. దాంతో, కొన్ని రోజులు మిమిక్రీ చేయలేదు. ఫ్రెండ్స్ అందరూ ‘నీ వాయిస్ అచ్చం ఆలియా భట్లా ఉంటుంద’ని చెప్పడంతో మళ్లీ మిమిక్రీ చేయడం మొదలుపెట్టింది. కాలేజీలో చదివే రోజుల్లోనే వాళ్ల అన్నతో కలిసి ఈవెంట్ కంపెనీలో పనిచేసింది. 2016 లో తన పేరుతో యూట్యూబ్ ఛానెల్ పెట్టింది. ఆలియా భట్, కంగనా రనౌత్, ‘తారక్ మెహతా కా ఉల్టా చష్మా’లోని దయా బెన్ క్యారెక్టర్ వాయిస్లని ఇమిటేట్ చేస్తున్న వీడియోలు అందులో పోస్ట్ చేస్తుంటుంది.
బాలీవుడ్లోకి వెళ్లాలని...
‘‘ఉదయాన్నే నిద్ర లేవగానే హిందీ పాటలు వింటా. హిందీ సినిమాలు ఎక్కువ చూస్తా. హీరోలు, హీరోయిన్ల మాట తీరు, వాళ్ల సిగ్నేచర్ స్టయిల్ని బాగా గమనిస్తా. దాంతో వాళ్లని మిమిక్రీ చేయడం ఈజీ అనిపిస్తుంది. నేను మిమిక్రీ ఆర్టిస్ట్ కావడం అమ్మానాన్నకు ఇష్టం లేదు. కారణం... ‘జాబ్ సెక్యూరిటీ ఉండదు. ఆన్లైన్ వేధింపులు ఉంటాయ’నేది వాళ్ల భయం. అలాగని వాళ్లు ఎప్పుడూ నా ఇష్టాన్ని కాదనలేదు. బాలీవుడ్ సినిమాల్లో లేదా ఓటీటీల్లో అవకాశం వస్తే చేసేందుకు రెడీగా ఉన్నా. యాక్టర్గా సక్సెస్ అయ్యేందుకు మిమిక్రీ టాలెంట్ ఉపయోగపడుతుందని నమ్ముతున్నా” అంటోంది ఇరవై రెండేండ్ల చాందినీ.