చంద్రుడికి 1412 కిలోమీటర్ల దూరంలో చంద్రయాన్ – 2
చంద్రయాన్ 2 చందమామ దగ్గరికి ఇంకా ఇంకా దగ్గరగా వెళ్లింది. ఇంకో 11 రోజుల్లో జాబిల్లిపై దిగేందుకు వేగంగా అడుగులు వేస్తోంది. బుధవారం చంద్రయాన్ 2 జాబిల్లి కక్ష్యను ఇస్రో మూడోసారి మార్చింది. చంద్రుడికి మరింత దగ్గరికి తీసుకెళ్లింది. చంద్రయాన్ 2 కక్ష్య ఎత్తును 118 కిలోమీటర్ల నుంచి 179 కిలోమీటర్లకు పెంచిన ఇస్రో.. దూరాన్ని 4,412 కిలోమీటర్ల నుంచి 1,412 కిలోమీటర్లకు తగ్గించింది.
పొద్దున 9.04 గంటల ప్రాంతంలో 1190 సెకన్ల పాటు ఇంజన్లను మండించి చంద్రయాన్ 2ను చందమామ దగ్గరకు తీసుకెళ్లింది. ప్రస్తుతం చంద్రయాన్ 2 అంతా బాగానే పనిచేస్తోంది. శుక్రవారం సాయంత్రం 6 నుంచి 7 గంటల మధ్య మరోసారి చంద్రయాన్ 2 కక్ష్యలో మార్పులు చేయనుంది ఇస్రో. సెప్టెంబర్ 2న చంద్రయాన్2ను చంద్రుడికి జస్ట్ 30 కిలోమీటర్ల దూరానికి తీసుకెళుతుంది. ఆ తర్వాత ల్యాండింగ్కు సంబంధించిన మార్పులను చేస్తుంది. సెప్టెంబర్ 7న విక్రమ్ ల్యాండర్ను దించుతుంది.
