సికింద్రాబాద్, వెలుగు: దేశంలోని ఏ రాష్ట్రంలో లేని విధంగా దేవాదాయ శాఖ పరిధిలోని ఆలయాలకు బీఆర్ఎస్ ప్రభుత్వం ఆర్థిక సాయం అందిస్తోందని మంత్రి తలసాని శ్రీనివాస్ యాదవ్ చెప్పారు. సనత్నగర్ నియోజకవర్గంలోని 167 ఆలయాల్లో బోనాల ఉత్సవాలు ఘనంగా నిర్వహించేందుకు ప్రభుత్వం రూ.కోటి13లక్షలు కేటాయించగా, మంగళవారం సికింద్రాబాద్ఉజ్జయిని మహంకాళి అమ్మవారి ఆలయం వద్ద ఆలయ నిర్వాహకులకు మంత్రి తలసాని చెక్కులు అందజేశారు. అంతకు ముందు ఉజ్జయిని మహంకాళి అమ్మవారికి బోనాల ఉత్సవాల్లో భాగంగా సమర్పించనున్న చీర తయారీ పనులను మంత్రి ప్రారంభించారు.
ఈ సందర్భంగా ఆయన మాట్లాడుతూ తెలంగాణ సంస్కృతికి ప్రతీకగా నిలిచే బోనాలను ప్రస్తుతం అనేక దేశాల్లో ఘనంగా నిర్వహిస్తున్నారని, ఇది మనకెంతో గర్వకారణమన్నారు. ఉత్సవాలకు వారం ముందే ప్రభుత్వ సాయం అందిస్తున్నట్లు చెప్పారు.16న ఓల్డ్సిటీ బోనాలు జరగనున్నాయని, అక్కడి ఆలయాలకు 10, 11 చెక్కులు పంపిణీ చేస్తామని వెల్లడించారు. ప్రతిఒక్క ఆలయాన్ని పూలు, కలర్ఫుల్ లైటింగ్తో డెకరేట్ చేయాలని, పూజలను వైభవంగా నిర్వహించాలని సూచించారు. కార్యక్రమంలో కార్పొరేటర్లు కొలను లక్ష్మి, కుర్మ హేమలత, మహేశ్వరి, మాజీ కార్పొరేటర్లు నామన శేషుకుమారి, అత్తిలి అరుణగౌడ్, ఉప్పల తరుణి, ఆకుల రూప, కిరణ్మయి, దేవాదాయ శాఖ అసిస్టెంట్ కమిషనర్ కృష్ణ పాల్గొన్నారు.
