పదేళ్ల చిన్నారి.. రాజకీయాలు తెలియవు.. ఏం జరుగుతుందో కూడా తెలియదు.. వేదికపైన ఉన్నదెవరో.. వాళ్ల స్థాయి ఏంటో తెలియదు.. అలాంటి చిన్న పాపతో.. బీఆర్ఎస్ ఎమ్మెల్సీ కవిత కాళ్లు మొక్కించారు ఆ పార్టీ నేతలు. కరీంనగర్ జిల్లా తిమ్మాపూర్ మండలం మహాత్మానగర్ లో మహిళా దినోత్సవ వేడుకలు జరిగాయి. ఈ కార్యక్రమానికి స్థానిక మహిళలతోపాటు.. స్కూల్ పిల్లలు కూడా తరలి వచ్చారు. ఈ సందర్భంగా పలు రంగాల్లో ప్రతిభ కనబర్చిన మహిళలతో పాటు.. చదువుల్లో రాణించిన విద్యార్థులను సత్కరించి బహుమతులు ప్రదానం చేశారు. ఇందులో భాగంగానే ఓ విద్యార్థిని.. కవిత చేతుల మీదుగా షీల్డ్ తీసుకుని వెళ్లిపోతుంది. అయితే పక్కనే ఉన్న.. ఓ బీఆర్ఎస్ నేత ఆ చిన్నారిని వెనక్కి పిలిచి.. ఎమ్మెల్సీ కవిత కాళ్లు మొక్కించారు. ఆ తర్వాత ఇదే కార్యక్రమంలో కరీంనగర్ జడ్పీ ఛైర్ పర్సన్ విజయ కూడా కవిత కాళ్లు మొక్కారు. ఈ వీడియో ఇపుడు సోషల్ మీడియాలో వైరల్ అవుతోంది. జెడ్పీ చైర్మన్ అంటే వాళ్ల పార్టీ వాళ్లు.. వాళ్లు వాళ్లు ఎలా మొక్కుకుంటారు.. చిన్న పిల్లతో కాళ్లు మొక్కించటంపైనే నెటిజన్లు ఔరా అంటున్నారు.
