నెదర్లాండ్స్... సొగసైన దేశం మాత్రమే కాదు ప్రపంచంలోనే లివింగ్ స్టాండర్డ్స్ మెరుగ్గా ఉన్న దేశం కూడా. ఈ దేశంలోని ప్రజలు మిగతా దేశాల వాళ్లకంటే సంతోషంగా ఉంటారు. అందుకే దీనికి ‘హ్యాపీయెస్ట్ కంట్రీ’గా పేరుంది. ఈ దేశంలోని పిల్లలు కూడా ఇతరదేశాల పిల్లల కంటే చాలా సంతోషంగా ఉంటారని ఈమధ్య వచ్చిన యునెస్కో రిపోర్ట్ చెప్తోంది. నెదర్లాండ్స్లోని పిల్లలు అందరికంటే హ్యాపీగా ఉండడానికి కారణాలు కూడా చెప్పింది యునెస్కో.
మంచీ, చెడూ చెప్తారు
నెదర్లాండ్స్లోని ప్రజలు పిల్లల మాటకి విలువ ఇస్తారు. వాళ్ల ఆలోచనలు, అభిప్రాయాల్ని చెప్పనిస్తారు. అదే టైంలో...ఏది కరెక్ట్, ఏది కరెక్ట్ కాదు! అనేది చెబుతారు. ఇలాచేయడం వల్ల తల్లిదండ్రులు, పిల్లల మధ్య ఏ విషయంలోనూ గొడవలు జరగవు. పిల్లలు కూడా భయం లేకుండా పేరెంట్స్తో అన్ని విషయాలు షేర్ చేసుకుంటారు. కన్నవాళ్లతో ప్రేమగా ఉంటారు.
మాట్లాడే స్వేచ్ఛ
రిలేషన్షిప్ ఏదైనా కమ్యూనికేషన్ చాలా ముఖ్యం. ఈ విషయంలో నెదర్లాండ్స్లోని పిల్లలు చాలా లక్కీ. మిగతా దేశాల్లోని పిల్లలు కొన్ని విషయాలు అమ్మానాన్నలతో మాట్లాడలేరు. కానీ, ఈ దేశంలోని పిల్లలు ఏ విషయమైనా తల్లిదండ్రులతో ఓపెన్గా మాట్లాడతారు. దాంతో కాన్ఫిడెంట్గా ఉంటారు. పేరెంట్స్తో చాలా క్లోజ్గా, ఫ్రెండ్లీగా మూవ్ అవుతారు. అంతేకాదు, తమకి నచ్చినట్టుగా ఉండే స్వేచ్ఛ ఉంది ఈ పిల్లలకి.
కుటుంబం తర్వాతే...
నెదర్లాండ్స్ ప్రజలు ఫ్యామిలీకి ఎక్కువ ఇంపార్టెన్స్ ఇస్తారు. ఎంత బిజీగా ఉన్నా టైం తీసుకుని కుటుంబంతో కలిసి బయటికి వెళ్తారు. ఇంట్లో అందరూ కలిసి భోజనం చేస్తారు. పిల్లల్ని పెంచడంలో తల్లిదండ్రులిద్దరూ సమాన బాధ్యత తీసుకుంటారు. పిల్లల్ని చూసుకునేందుకు వాళ్లకి అఫీషియల్ హాలిడేస్ కూడా ఉంటాయి. అందుకే అక్కడి ప్రజలు పిల్లాపాపలతో హాయిగా ఉంటారు. పిల్లలు కూడా ఎప్పుడూ హ్యాపీగా కనిపిస్తారు.
ఒత్తిడి చేయరు
స్కూల్, టీచింగ్కి వస్తే... పిల్లల మీద ఒత్తిడి ఉండదు. పిల్లలు కొత్త విషయాలు నేర్చుకోవాలి, అందరితో కలిసిపోవాలి అనుకుంటారు తల్లిదండ్రులు. తమ పిల్లల భవిష్యత్తు గురించి టెన్షన్ పడరు. పిల్లల్ని తమ వారసత్వానికి ప్రతీ కలుగా కాకుండా, వాళ్లని ఫ్రెండ్స్లా చూస్తారు. బాగా చదవాలి, అందరికంటే ఎక్కువ మార్కులు తెచ్చుకోవాలని పిల్లల్ని ఒత్తిడి చేయరు. తమ పిల్లలకి నచ్చిన దారి ఎంచుకునే ఫ్రీడమ్ ఇస్తారు.
డేటా ఎనలైజ్ చేసి...
ప్రపంచంలో ఆదాయం ఎక్కువ ఉన్న 41 దేశాల్లోని పిల్లల సిచ్యుయేషన్ స్టడీ చేసింది యునెస్కో. ఈ దేశాలకి చెందిన పిల్లలు మానసికంగా ఆరోగ్యంగా ఉన్నారా? చురుకుగా ఉన్నారా? చదువులో, నలుగురిలో కలిసిపోవడంలో ముందుంటున్నారా? అనే వాటిమీద ఫోకస్ పెట్టింది. డేటా సేకరించి ఎనలైజ్ చేసింది. పై అన్ని విషయాల్లో నెదర్లాండ్స్ ఫస్ట్ ఉంది. ఆ తర్వాత డెన్మార్క్ రెండో ర్యాంక్, నార్వే మూడో ర్యాంక్లో ఉన్నాయి.
