ఆన్ లైన్ బెట్టింగ్ యాప్ ప్రమోషన్స్ కేసులో సీఐడీ ఆఫీసులో హీరో విజయ్ దేవరకొండ విచారణ ముగిసింది. 2025 నవంబర్ 11 వ తేదీన విచారణకు హాజరైన విజయ్ నుంచి స్టేట్ మెంట్ రికార్డు చేశారు సీఐడీ అధికారులు. దాదాపు గంటన్నరకు పైగా విచారణ చేసి స్టేట్మెంట్ రికార్డ్ చేశారు అధికారులు.
తాను లీగల్ గానే గేమింగ్ యాప్ ను ప్రమోట్ చేశానని ఈ సందర్భంగా స్టేట్మెంట్ ఇచ్చారు విజయ్. తాను ప్రమోట్ చేసిన A23 గేమింగ్ యాప్ తెలంగాణా లో ఓపెన్ అవ్వదని CID కి తెలిపారు. భవిష్యతులో గేమింగ్ కానీ, బెట్టింగ్ యాప్స్ కానీ ప్రమోట్ చేయనని CID అధికారుల ముందు చెప్పారు.
►ALSO READ | 12ARailwayColony: ఉత్కంఠగా అల్లరి నరేష్ హర్రర్ మూవీ ట్రైలర్..
బెట్టింగ్ యాప్ ప్రమోషన్ కేసులో భాగంగా నటులు విజయ్ దేవరకొండ, ప్రకాష్ రాజ్ లకు తెలంగాణ CID అధికారులు నోటీసులు ఇచ్చిన విషయం తెలిసిందే. హీరో విజయ్ మధ్యాహ్నం 3 గంటలకు విచారణకు సీఐడీ ఎదుట హాజరు అవ్వగా.. దాదాపు గంటన్నరపాటు విచారించి స్టేట్ మెంట్ తీసుకున్నారు అధికారులు.
