స్పోర్ట్స్ కోటాలో హెడ్ కానిస్టేబుల్ పోస్టుల భర్తీ కోసం సెంట్రల్ ఇండస్ట్రియల్ సెక్యురిటీ ఫోర్స్(సీఐఎస్ఎఫ్) నోటిఫికేషన్ విడుదల చేసింది. ఆసక్తి, అర్హత గల అభ్యర్థులు సీఐఎస్ఎఫ్ అధికారిక వెబ్సైట్ ద్వారా అప్లై చేయవచ్చు. అప్లికేషన్ల సమర్పణకు చివరి తేదీ మే 30.
పోస్టుల సంఖ్య 30: హెడ్ కానిస్టేబుల్
(స్పోర్ట్స్ కోటా)
ఎలిజిబిలిటీ: కేంద్రం లేదా రాష్ట్ర గుర్తింపు పొందిన సంస్థ ద్వారా 12వ తరగతిలో ఉత్తీర్ణత సాధించి ఉండాలి. అంతర్జాతీయ, జాతీయ , రాష్ట్ర స్థాయిలో హాకీలో ప్రతిభ కనబర్చి ఉండాలి.
వయోపరిమితి: కనిష్ట వయోపరిమితి 18 ఏండ్లు. గరిష్ట వయోపరిమితి 23 ఏండ్లు. ఎస్సీ, ఎస్టీలకు ఐదేండ్లు, ఓబీసీలకు మూడేండ్లు వయోపరిమితిలో సడలింపు ఉంటుంది. కేంద్ర ప్రభుత్వ ఆధీనంలోని డిపార్ట్మెంటల్ సర్వీసులో క్రమం తప్పకుండా మూడేండ్ల సర్వీసు పూర్తి చేసిన ఎస్సీ, ఎస్టీ అభ్యర్థులకు గరిష్ట వయోపరిమితి 45 ఏండ్లు, ఇతరులకు 40 ఏండ్లు.
అప్లికేషన్: ఆన్లైన్ ద్వారా. ఎలాంటి అఫ్లికేషన్ ఫీజు లేదు.
అప్లికేషన్లు ప్రారంభం: మే 11.
అప్లికేషన్లకు చివరి తేదీ: మే 30.
సెలెక్షన్ ప్రాసెస్: రెండు స్టేజీల వారీగా ఎంపిక ప్రక్రియ ఉంటుంది. స్టేజ్ –1లో ట్రయల్ టెస్ట్, ప్రొఫిషియెన్సీ టెస్ట్, ఫిజికల్ స్టాండర్డ్ టెస్ట్(పీఎస్టీ), డాక్యుమెంటేషన్. స్టేజ్–2లో మెడికల్ ఎగ్జామినేషన్ ఉంటుంది. పూర్తి వివరాలకు cisfrectt.cisf.gov.inవెబ్సైట్లో సంప్రదించగలరు.
