- షోకాజ్ నోటీసు జారీ
మలక్ పేట, వెలుగు: సివిల్ సప్లయీస్ అధికారులు మలక్పేట సర్కిల్ పరిధిలోని పలు షాపులతో పాటు డీమార్ట్స్టోర్పై మంగళవారం రైడ్స్ నిర్వహించారు. బియ్యం అమ్మకాలలో అధిక ధరల వసూళ్లు, బ్లాక్ మార్కెటింగ్, తూకాల్లో మోసాలపై తనిఖీలు చేశారు.
మలక్పేట డీమార్ట్లో సోనా మసూరి బియ్యం అమ్ముతుండడంతో షోకాజ్ నోటీసు జారీ చేశారు. అలాగే, మలక్పేట గంజ్తో పాటు మరో 36 ప్రాంతాల్లో తనిఖీలు చేశారు. కొందరు ట్రేడ్ లైసెన్సులు లేకుండా వ్యాపారం చేస్తుండగా, మరికొందరు జీఎస్టీ రిజిస్ట్రేషన్ లేకుండా బిజినెస్చేస్తున్నారు.
ఇంకొందరు సర్టిఫై చేయని వెయింగ్ మెషీన్లు వినియోగిస్తున్నట్లు తెలుసుకున్నారు. కొన్ని చోట్ల నిర్ణీత బరువు కంటే తక్కువ పరిమాణంలో బియ్యం అమ్ముతున్నారని వెల్లడైంది. ఈ సందర్భంగా నాలుగు బియ్యం డిపోలపై కేసులు నమోదు చేశారు. సివిల్ సప్లయీస్ఆఫీసర్ఏఎస్ఓ నర్సింగ్‌ రాజు, ఇన్స్పెక్టర్లు ప్రదీప్, భరత్, ఎన్ఫోర్స్ మెంట్ డిప్యూటీ తహసీల్దార్హరికృష్ణ, మంజుల పాల్గొన్నారు.
