- అధిక ధరలకు విక్రయిస్తున్నట్లు గుర్తింపు
కూకట్పల్లి, వెలుగు: కూకట్పల్లి, బాలానగర్లోని పలు బియ్యం షాపుల్లో సివిల్సప్లై, లీగల్ మెట్రాలజీ, సివిల్సప్లైటాస్క్ఫోర్స్ అధికారులు శనివారం తనిఖీలు చేపట్టారు. అధిక ధరలకు బియ్యం విక్రయిస్తున్నట్లు, 26 కిలోల రైస్ బ్యాగుల్లో 25 కిలోల బియ్యమే ఉన్నట్లు, పలువురు జీఎస్టీ కూడా చెల్లించడం లేదని గుర్తించారు. బాలానగర్పరిధిలోని ఫిరోజ్గూడ హనుమాన్ ట్రేడర్స్, కూకట్పల్లి అడ్డగుట్ట సొసైటీలోని వజ్రతేజ రైస్ ట్రేడర్స్తదితర దుకాణాల్లో మోసాలు బయటపడ్డాయి.
తప్పుడు లెక్కలు, అధిక ధరలతో ప్రజలను మోసం చేస్తున్న వ్యాపారులకు నోటీసులు జారీ చేశామని అధికారులు తెలిపారు. మరోసారి అక్రమాలకు పాల్పడితే కఠిన చర్యలు తీసుకుంటామని హెచ్చరించారు.
