జగన్ యోగిరాజు, నవ్య చిట్యాల జంటగా, దేవీ ప్రసాద్ కీలకపాత్రలో రఘువర్ధన్ కోట్ల తెరకెక్కిస్తున్న చిత్రం ‘మైలురాయి’. హన్సి ప్రొడక్షన్స్ బ్యానర్‌‌‌‌పై హన్సిక పెద్దిరెడ్డి నిర్మిస్తున్నారు. ఈ మూవీ టైటిల్‌ పోస్టర్‌‌‌‌‌‌‌‌ను నాగబాబు విడుదల చేశారు. అనంతరం ఆయన మాట్లాడుతూ ‘టైటిల్‌ ఆసక్తికరంగా ఉంది. నిర్మాతలుగా రాణిస్తున్న అశ్వనీదత్‌ గారి అమ్మాయిలు స్వప్న దత్, ప్రియాంక దత్, నా కూతురు నిహారిక, సుప్రియ యార్లగడ్డ బాటలో ఈ చిత్ర నిర్మాత హన్సిక విజయాలు అందుకోవాలి’ అని బెస్ట్ విషెస్ చెప్పారు. ఇప్పటికే షూటింగ్ పూర్తయిందని, త్వరలో టీజర్‌, పాటలు విడుదల చేస్తామని నిర్మాత హన్సిక చెప్పారు. భావోద్వేగాలతో కూడిన ఈ ప్రేమకథ అన్ని వర్గాల ప్రేక్షకులకు నచ్చుతుందని దర్శకుడు చెప్పాడు. హీరో జగన్ యోగిరాజు, కో ప్రొడ్యూసర్‌ తవిటిరాజు తదితరులు పాల్గొన్నారు.
