అనీష్, అనస్వర రాజన్ జంటగా దర్శకుడు వెంకీ కుడుముల నిర్మిస్తున్న చిత్రం ‘ఇట్లు అర్జున’. నాగార్జున సమర్పణలో మహేష్ ఉప్పల దర్శకుడిగా పరిచయం అవుతున్నాడు. ఇప్పటికే విడుదల కావాల్సిన ఈ చిత్రం సరైన రిలీజ్ డేట్ దొరక్క పోస్ట్పోన్‌ అవుతూ వచ్చింది. ఫైనల్‌‌‌‌గా నవంబర్ 13న ప్రేక్షకుల ముందుకు తీసుకురానున్నట్టు ప్రకటించారు. ఈ సందర్భంగా విడుదల చేసిన పోస్టర్ ఆకట్టుకుంటోంది.
భారీ క్యాలెండర్‌‌‌‌పై హీరో అనీష్, హీరోయిన్ అనస్వర రాజన్ పక్కపక్కనే కూర్చున్న ఈ స్టిల్ సినిమాపై ఆసక్తిని పెంచుతోంది. ఇందులో అర్జున్ అనే మూగ యువకుడిగా అనీష్ కనిపించనున్నాడు. అర్జున్ తన జీవితమంతా కీర్తిని (అనస్వర) మౌనంగా ప్రేమిస్తుంటాడు. అతని ప్రయాణం అనూహ్యమైన మలుపులు తిరుగుతుంది. ప్రేమ, హాస్యం, సాహసం, ఊహించని ట్విస్టులతో సాగే ఈ కథ ప్రేక్షకులకు సరికొత్త అనుభూతిని ఇస్తుందని మేకర్స్ తెలియజేశారు. తమన్ సంగీతం అందిస్తున్నాడు.
