కరీంనగర్ బస్టాండ్ లో చీరలను అడ్డుగా కట్టి గర్భిణీకి ఆర్టీసీ మహిళా సిబ్బంది డెలివరి చేసిన ఘటనపై సీఎం రేవంత్ రెడ్డి స్పందించారు. కరీంనగర్ బస్ స్టేషన్ లో గర్భిణీకి కాన్పు చేసి మానవత్వం చాటుకున్న టీజీఎస్ ఆర్టీసీ మహిళా సిబ్బందికి నా అభినందనలు . మీరు సకాలంలో స్పందించడ వల్ల తల్లీ బిడ్డ క్షేమంగా ఉన్నారు. విధి నిర్వహణలో కూడా మీరు ఇలాగే మంచి పేరు తెచ్చుకోవాలని ఆశిస్తున్నాను అని రేవంత్ ట్వీట్ చేశారు.
పరిమళించిన మానవత్వం అంటూ ఆర్టీసీ ఎండీ సజ్జనార్ ట్వీట్ చేశారు. కరీంనగర్ బస్ స్టేషన్ లో నిండు చూలాలికి కాన్పు చేసిన టీజీఎస్ ఆర్టీసీ మహిళా సిబ్బంది మానవత్వం అభినందనీయం, మీరు సకాలంలో స్పందించి డెలివరీ చేయడం వల్లే తల్లీ బిడ్డ క్షేమంగా ఉన్నారు. ప్రజలకు మెరుగైన సేవలను అందించడంలోనే కాదు మానవత్వం చాటుకోవడంలోనూ మేం ముందు ఉంటామని ఆర్టీసీ సిబ్బంది మరోసారి నిరూపించారు అని సజ్జనార్ హర్వషం వ్యక్తం చేశారు.
