- ఆఫీసర్లంతా రావాలని సీఎస్ ఆదేశాలు
హైదరాబాద్, వెలుగు: రాష్ట్రంలో పెట్టుబడులే లక్ష్యంగా ప్రభుత్వం ప్రతిష్టాత్మకంగా నిర్వహించబోతున్న ‘తెలంగాణ రైజింగ్ - గ్లోబల్ సమ్మిట్ 2025’పై సీఎం రేవంత్ రెడ్డి ప్రత్యేక దృష్టి సారించారు. ఆదివారం సాయంత్రం 4 గంటలకు సీఎం అధ్యక్షతన మంత్రులందరితో పాటు ఆయా శాఖల ఉన్నతాధికారులతో సమావేశం జరగనుంది.
ఈ మేరకు సీఎస్ కె. రామకృష్ణారావు శనివారం ‘అర్జెంట్ టుడే’ పేరుతో ఓ నోట్‌‌‌‌‌‌‌‌ను విడుదల చేశారు. సెక్రటేరియెట్లోని 6వ ఫ్లోర్, రూమ్ నంబర్ 33లో ఈ సమావేశం జరగనుంది. ఈ గ్లోబల్ సమ్మిట్ విధివిధానాలు, ఏర్పాట్లపై సీఎం అధికారులకు దిశానిర్దేశం చేయనున్నారు. అధికారులంతా ఈ సమావేశానికి తప్పకుండా హాజరుకావాలని సీఎస్ తన ఆదేశాల్లో స్పష్టం చేశారు.
