83 పేజీలతో తెలంగాణ విజన్ డాక్యుమెంట్- 2047.. క్యూర్, ఫ్యూర్,రేర్ జోన్లుగా తెలంగాణ

తెలంగాణ విజన్ 2047 డాక్యముంట్ ను రిలీజ్ చేశారు సీఎం రేవంత్ రెడ్డి. గ్లోబల్ సమ్మిట్ ముగింపు సందర్భంగా తెలంగాణ విజన్ డాక్యుమెంట్ ను రిలీజ్ చేసిన రేవంత్.. ఇది నాలుగు గోడల మధ్య తయారు చేసిన విజన్ డాక్యుమెంట్ కాదని.. 4 లక్షల మంది ప్రజలు ఆన్ లైన్ లో సూచనలు ఇచ్చారని చెప్పారు. స్వేచ్ఛ, సమాన అవకాశాలు ఇవ్వాలనే ఈ విజన్ తీసుకొస్తున్నామని తెలిపారు. నీతి అయోగ్,ఐఎస్ బీ, కేంద్ర రాష్ట్ర ప్రభుత్వాలు, ప్రజలు ఈ విజన్ లో భాగమయ్యారని చెప్పారు.

2047 నాటికి స్వాతంత్ర్యం వచ్చి వందేళ్లు పూర్తవుతుందన్నారు. 2047 వరకు దేశం 30 ట్రిలియన్ ఎకానమి లక్ష్యంగా ముందుకెళ్తుందని..తెలంగాణ 3 ట్రిలియన్ డాలర్ల ఎకానమీ లక్ష్యంగా పెట్టుకుందని చెప్పారు రేవంత్. ఎడ్యుకేషన్, ఇరిగేషన్ కు అత్యంత ప్రాధాన్యం ఇస్తామన్న రేవంత్.. వీటితో పాటు కమ్యూనికేషన్ కు కూడా ప్రాధాన్యత ఇవ్వనున్నామన్నారు.

వందేండ్ల స్వాతంత్ర్య భారత్ లో తెలంగాణ పాత్ర పెద్దగా ఉండాలన్నారు రేవంత్. తెలంగాణ మట్టికి గొప్ప చైతన్యం ఉందన్న రేవంత్. అతిపెద్ద రైతాంగ సాయుధ పోరాటం ఇక్కడే జరిగిందన్నారు. ఈ పాలసీ ఫార్మర్, యూత్, ఉమెన్ అభివృద్ధే లక్ష్యంగా ఉంటుందన్నారు. తాను మారుమూల గ్రామం నుంచి వచ్చానని చెప్పారు. ఎస్టీ,ఎస్టీ,బీసీ,మైనార్టీల సమస్యలు తనకు తెలుసన్నారు రేవంత్. చైనా ,జపాన్,కొరియా,సింగపూర్ తమ రోల్ మోడల్స్ అని తెలిపారు.