- కలెక్టర్ ఆశిష్ సంగ్వాన్
సదాశివనగర్, వెలుగు: పంచాయతీ ఎన్నికల సందర్భంగా నామినేషన్ ప్రక్రియను సమర్థవంతంగా నిర్వహించాలని కలెక్టర్ ఆశిష్ సంగ్వాన్ అధికారులకు సూచించారు. శుక్రవారం రామారెడ్డి మండలంలోని అన్నారం గ్రామంలో నామినేషన్ ప్రక్రియను పరిశీలించి మాట్లాడారు. ప్రతీ నామినేషన్ కేంద్రం వద్ద పోలీస్, జీపీ, నామినేషన్ స్వీకరించే అధికారులను ఏర్పాటు చేశామన్నారు. రిటర్నింగ్, సహాయ రిటర్నింగ్ అధికారులకు పలు సూచనలు చేశారు. నామినేషన్ కేంద్రం వద్ద ఓటర్ల జాబితా, రిజర్వేషన్ సమర్పించే అభ్యర్థులు, ప్రతిపాదించే వారిని మాత్రమే అనుమతించాలన్నారు.
ఎన్నికల కమిషన్ నిబంధనలకు లోబడి అధికారులు వ్యవహరించాలన్నారు. నామినేషన్ల పరిశీలన, అభ్యర్థుల ప్రకటన, గుర్తుల కేటాయింపు ప్రక్రియలో జాగ్రత్తలు తీసుకోవాలన్నారు. కార్యక్రమంలో తహసీల్దార్ ఉమాలత, అధికారులు పాల్గొన్నారు.
