భార్యాభర్తలన్నాక చిన్నచిన్న గొడవలు, మాట పట్టింపులు సహజమే. కానీ, వాటిని పూర్తిగా లైట్ తీసుకోవడానికి లేదు. అవే కొన్నిసార్లు పార్ట్నర్స్ మధ్య దూరానికి కారణమవుతాయి. మరి ఇలాంటి సిచ్యుయేషన్స్లో రిలేషన్కి బ్రేక్ వేయాల్సిందేనా? అంటే అస్సలు లేదంటున్నారు ఎక్స్పర్ట్స్. హెల్దీ రిలేషన్కి కొన్ని టిప్స్ కూడా చెప్తున్నారు.
పార్ట్నర్ దూరం పెడుతుంటే వాదనకి దిగకూడదు. అందుకు కారణాల్ని వెతకాలి. అసలు ఎందుకు అలా ప్రవర్తిస్తున్నారో తెలుసుకునే ప్రయత్నం చేయాలి. వాళ్లతో ప్రవర్తిస్తున్న తీరుని కూడా ఒకసారి చూసుకోవాలి.
ఎంత స్ట్రాంగ్ రిలేషన్ అయినా స్వేచ్ఛ లేకపోతే ఎక్కువ కాలం నిలబడదు. అందుకే పార్టనర్కి రిలేషన్లో కాస్త స్పేస్ ఇవ్వాలి. దానివల్ల మనస్పర్థలకి చోటు ఉండదు. అలాగే గొడవైనప్పుడు పట్టింపులకి పోకుండా తప్పుంటే సారీ చెప్పాలి. అప్పుడే రిలేషన్ బలపడుతుంది. ఒకవేళ ఎదుటివాళ్లు సారీని వెంటనే యాక్సెప్ట్ చెయ్యకపోతే తగినంత టైం ఇవ్వాలి.
పార్ట్నర్ డైలీ రొటీన్ని కూడా గమనించాలి. ఒకవేళ పని ఒత్తిడి వల్లో లేదా ఇంకేదైనా పని వల్ల మనకి టైం ఇవ్వలేకపోతే అర్థం చేసుకోవాలి. లేదా మరేదైనా కారణం వల్ల దూరం పెడుతుంటే మాత్రం వీలైనంత త్వరగా మనస్పర్థల్ని దూరం చేసుకోవాలి .
ఎవరినైనా ఎక్కువగా ప్రేమిస్తే వాళ్లని ఎక్కడ కోల్పోవాల్సి వస్తుందేమోనన్న భయం ఉంటుంది. కొన్నిసార్లు ఆ భయమే లేనిది ఉన్నట్లు చూపిస్తుంది. చిన్నచిన్న విషయాల్ని కూడా పెద్దదిగా చూపెడుతుంది. అందుకే అసలు నిజంగానే పార్ట్నర్ దూరం పెడుతున్నారా? లేదా అనేది కూడా చూసుకోవాలి.