- మజ్లిస్కు చెక్ పెట్టేందుకు కాంగ్రెస్ వ్యూహం
- హైదరాబాద్ పార్లమెంటు బరిలో అలీ మస్కతిని నిలిపే చాన్స్
- గతంలో టీడీపీ ఉపాధ్యక్షుడిగా పని చేసిన మస్కతి
- ఇటీవల తుక్కుగూడ సభలో కాంగ్రెస్ లో చేరిక
హైదరాబాద్, వెలుగు : హైదరాబాద్ లోక్సభ నియోజకవర్గం నుంచి తిరు గులేకుండా గెలుస్తున్న మజ్లిస్ అధినేత అసదుద్దీన్ ఒవైసీకి ఈసారి గట్టి పోటీ ఇచ్చేందుకు కాంగ్రెస్ సిద్ధమవుతున్నది. గతంలో టీడీపీ హయాంలో పార్టీ రాష్ట్ర ఉపాధ్యక్షుడిగా పని చేసిన అలీ మస్కతి ఇటీవల కాంగ్రెస్ నిర్వహించిన తుక్కుగూడ సభలో ఆ పార్టీలో చేరారు. గతంలో టీడీపీ తరఫున చార్మినార్ నియోజక వర్గం నుంచి పోటీ చేశారు.
మైనారిటీ ఓటర్లను ఆకట్టుకునేందుకు ఈ సారి హైదరాబాద్ ఎంపీగా ఆయనను పోటీ చేయించేందుకు కాంగ్రెస్ రెడీ అవుతున్నట్లు సమాచారం. అలీ మస్కతిని హైదరాబాద్ పార్లమెంట్ రంగంలోకి దింపితే అసదుద్దీన్కు చెక్ పెట్టవచ్చని కాంగ్రెస్ భావిస్తున్నది. అలీ మస్కతి హైదరాబాద్ బరిలో ఉంటే మజ్లిస్ పై ప్రభావం చూపిస్తుందని, మైనారిటీ ఓటర్లను ఆకట్టుకోవచ్చని కాంగ్రెస్ భావిస్తున్నది.
