హుజూరాబాద్, వెలుగు: హుజూరాబాద్ నియోజకవర్గంలో దళితబంధు డబ్బులు రాకుండా ఆపిందే బీఆర్ఎస్ పార్టీ అని కాంగ్రెస్ పట్టణ అధ్యక్షుడు సొల్లు బాబు ఆరోపించారు. మంగళవారం టౌన్‌‌‌‌‌‌‌‌లోని పార్టీ ఆఫీస్‌‌‌‌‌‌‌‌లో మీడియాతో మాట్లాడుతూ అధికారంలో ఉండగా దళితబంధు రెండో విడత డబ్బులను ఎందుకు రిలీజ్ చేయలేదని ప్రశ్నించారు.
ప్రస్తుత ఎమ్మెల్యే పాడి కౌశిక్ రెడ్డి దళితులను రెచ్చగొడుతూ రాజకీయం చేస్తున్నారన్నారని మండిపడ్డారు. దళిత బంధు ఫండ్స్‌ విడుదలకు ప్రభుత్వం సానుకూలంగా ఉందని, ఈ విషయంలో రాజకీయం చేయడం మానుకోవాలన్నారు. లీడర్లు లంకదాసరి లావణ్య, శ్రీనివాస్ గౌడ్, పుష్పలత, ఎండీ అఫ్సర్, కిరణ్, సుశీల, శంకర్, రాజు, ఐలయ్య, సదానందం, రాంచంద్రం, శ్రావణ్, రమేశ్‌, నర్సింగ్, రాజయ్య పాల్గొన్నారు.
ఎంపీడీవోకు వినతి
హుజూరాబాద్ రూరల్, వెలుగు: దళిత బంధు లబ్ధిదారులకు రెండో విడత ఫండ్స్‌ వెంటనే మంజూరు చేయాలని కోరుతూ ధర్మసమాజ్ పార్టీ నాయకులు మంగళవారం ఎంపీడీవోకు వినతిపత్రం అందజేశారు. ఈ సందర్భంగా వారు మాట్లాడుతూ రెండో విడత డబ్బుల కోసం లబ్ధిదారులు రెండేండ్లుగా ఎదురుచూస్తున్నారని, ఈ విషయంలో కాలయాపన చేయడం సరికాదన్నారు. కార్యక్రమంలో ఉమ్మడి జిల్లా ఇన్‌‌‌‌‌‌‌‌చార్జి శ్రీకాంత్, లీడర్లు రాకేశ్‌, రాజు, శ్రీనివాస్, సదానందం, అశోక్, శ్రీనివాస్, సందీప్, సాగర్, అనిల్ పాల్గొన్నారు.
