న్యూఢిల్లీ: హర్యానా అసెంబ్లీ ఎన్నికల్లో టిక్కెట్ల కేటాయింపులపై కాంగ్రెస్ పార్టీలో విభేధాలు భగ్గుమన్నాయి. ఈమధ్యే పీసీసీ చీఫ్ పదవి నుంచి తప్పుకున్న అశోక్ తన్వర్ సొంత పార్టీపై సంచలన ఆరోపణలుచేశారు. టికెట్ల కేటాయింపులో భారీగా అక్రమాలు జరుగుతున్నాయని, ఒక్కో ఎమ్మెల్యే టికెట్ను రూ.5 కోట్లకు అమ్ముకున్నారంటూ కాంగ్రెస్ చీఫ్ సోనియా గాంధీ ఇంటి వద్ద బుధవారం మెరుపు ధర్నాకు దిగారు.
ఎడ్లుగా కష్టపడుతున్నవాళ్లను పక్కనబెట్టి, నిన్నకాక మొన్న పార్టీలో చేరినవాళ్లకు టికెట్లివ్వడం అన్యాయమని, కొత్తవాళ్లకు టికెట్లిస్తే ఎలా గెలుస్తామని ప్రశ్నించారు. 90 సీట్లున్న హర్యానా అసెంబ్లీకి ఈనెల 21న ఎన్నికలు జరుగనున్నాయి.
