హైదరాబాద్, వెలుగు: రాష్ట్రంలోని ప్రభుత్వ మెడికల్ కాలేజీలు, హాస్పిటల్స్లో పనిచేస్తున్న అసిస్టెంట్ ప్రొఫెసర్లకు అసోసియేట్ ప్రొఫెసర్లుగా ప్రమోషన్లు కల్పించేందుకు డైరెక్టరేట్ ఆఫ్ మెడికల్ ఎడ్యుకేషన్ (డీఎంఈ) వెబ్ కౌన్సెలింగ్ ప్రారంభించింది. డిపార్ట్మెంటల్ ప్రమోషన్ కమిటీ (డీపీసీ) ఆమోదంతో 242 మంది అర్హులైన డాక్టర్ల లిస్టును డీఎంఈ డాక్టర్ ఎన్.వాణి వెల్లడించారు.
ఈ లిస్టులో ఉన్నవారు సెప్టెంబర్ 21 అర్ధరాత్రి వరకు (dme.telangana.gov.in](http://dme.telangana.gov.in?utm_source=gemini) ద్వారా వెబ్ ఆప్షన్లు నమోదు చేసుకోవచ్చు. సమస్యల పరిష్కారానికి కె. సాయికుమార్ (9177250917) ను సంప్రదించవచ్చని సూచించారు. జీవో 273 నిబంధనల ప్రకారం స్పౌస్ కేటగిరీ, ఏడాదిలోపు రిటైర్ అయ్యేవారు, దివ్యాంగులు, వితంతువులు, అవివాహిత మహిళా డాక్టర్లకు పోస్టింగుల కేటాయింపులో ప్రాధాన్యత ఇస్తారు.
సంబంధిత ప్రాధాన్యతా సర్టిఫికెట్లను ప్రిన్సిపాళ్లు లేదా సూపరింటెండెంట్ల కౌంటర్ సంతకంతో నిర్ణీత గడువులోగా అప్లోడ్ చేయాల్సి ఉంటుంది. లేదంటే ప్రాధాన్యతలను పరిగణనలోకి తీసుకోరు. వెబ్ ఆప్షన్లు నమోదు చేసుకోని వారికి అందుబాటులో ఉన్న ఖాళీల ఆధారంగా నేరుగా పోస్టింగులు ఇస్తామని డీఎంఈ స్పష్టం చేశారు.
