జార్ఖండ్లో నవంబర్ 30 నుండి డిసెంబర్ 20 వరకు ఐదు దశల్లో ఎన్నికలు జరిగాయి. 81 అసెంబ్లీ స్థానాలలో జరిగిన ఈ ఎన్నికలకు సంబంధించి ఓట్ల లెక్కింపు సోమవారం ఉదయం 8 గంటలకు ప్రారంభమవుతుంది. మొత్తం రాష్ట్రంలోని 24 జిల్లా ప్రధాన కార్యాలయాల్లో ఓట్ల లెక్కింపు జరుగుతుంది. చట్రాలో గరిష్టంగా 28 రౌండ్లలో ఓట్ల లెక్కింపు జరుగుతుంది. అదేవిధంగా చందన్క్యారి మరియు టోర్పాలలో అత్యల్పంగా రెండు రౌండ్లలో ఓట్ల లెక్కింపు జరుగుతుంది. అన్ని జిల్లాల ప్రధాన కార్యాలయాలలో ఓట్ల లెక్కింపు కోసం ఎన్నికల సంఘం ఏర్పాట్లు చేసింది. మొదటి ఫలితం సోమవారం మధ్యాహ్నం 1 గంట వరకు వచ్చే అవకాశం ఉంది.
ఈ ఎన్నికలలో జార్ఖండ్ ముక్తి మోర్చా (జెఎంఎం), రాష్ట్రీయ జనతాదళ్ (ఆర్జెడి) లతో కలిసి కాంగ్రెస్ కూటమి ఏర్పాటు చేసింది. కాగా.. అధికార బీజేపీ, ఆల్ జార్ఖండ్ స్టూడెంట్స్ యూనియన్(AJSU)తో జట్టు కట్టింది.
