ఓటీటీ ఆడియన్స్కు ఈ వీకెండ్ అదిరిపోయే ఎంటర్‌టైన్‌మెంట్ కానుంది. తెలుగు, తమిళ ఆడియన్స్ ఎంతో ఆసక్తిగా ఎదురుచూస్తున్న ఓ రెండు సినిమాలు వరుసగా రెండు రోజుల్లోనే స్ట్రీమింగ్కి రానున్నాయి. అందులో ఒకటి సూపర్‌స్టార్ రజినీకాంత్ నటించిన మోస్ట్ అవేటెడ్ మూవీ ‘జైలర్ 2’ కాగా.. మరొకటి విజయ్ దేవరకొండ, రష్మిక మందన్న జంటగా నటించిన ‘రణబాలి’. ఈ నేపథ్యంలోనే ఈ వారం ఓటీటీలో సినిమాలు చూడాలనుకునే వారికి మంచి వినోదం లభించనుంది. ఇంతకీ ఈ రెండు చిత్రాలు ఏ ఓటీటీలోకి వస్తున్నాయి? ఎప్పటి నుంచి స్ట్రీమింగ్ కానున్నాయి? అనే వివరాల్లోకి వెళితే..
అమెజాన్ ప్రైమ్‌లోకి ‘జైలర్ 2’..
సూపర్‌స్టార్ రజినీకాంత్ నటించిన ‘జైలర్ 2’ కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమా నవంబర్ 12 నుంచి ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియోలో స్ట్రీమింగ్ కానుంది. తమిళంతో పాటు తెలుగు భాషలోనూ అందుబాటులోకి రానుంది. థియేటర్లలో సినిమాను మిస్ అయిన ప్రేక్షకులు ఇప్పుడు ఓటీటీలో చూసేందుకు సిద్ధమవుతున్నారు. ముఖ్యంగా రజినీకాంత్ అభిమానులకు ఈ వీకెండ్ రచ్చ రచ్చే.. అనే చెప్పాలి.
‘జైలర్ 2’స్టోరీ:
సూపర్‌స్టార్ రజనీకాంత్ మరోసారి పవర్‌ఫుల్ యాక్షన్ అవతార్‌లో కనిపించిన రీసెంట్ ఫిల్మ్ ‘జైలర్2’. ఈ సినిమాలో జైలర్ ముత్తువేల్ పాండియన్‌గా ఆయన మరోసారి సందడి చేసి అదరగొట్టారు. తనదైన స్టైల్, మాస్ మేనరిజమ్స్‌తో శత్రువులను ఎదుర్కొంటూ కుటుంబం, విధి, ప్రతీకారం చుట్టూ సాగే ఆసక్తికరమైన కథతో ఈ చిత్రం రూపొందింది. భారీ యాక్షన్ సన్నివేశాలు, ఉత్కంఠభరితమైన పోరాటాలు, రజనీకాంత్ మార్క్ ఎంటర్‌టైన్‌మెంట్ ఈ సినిమాకు ప్రధాన ఆకర్షణగా నిలవనున్నాయి.
TIGER MUTHUVEL PANDIAN is back. RELOADED 🔥 #Jailer2OnPrime, Nov 12 @rajinikanth @Nelsondilpkumar @anirudhofficial @Mohanlal @vidya_balan @sunpictures @iam_SJSuryah #MithunChakraborty #SurajVenjaramoodu @meramyakrishnan @iYogiBabu https://t.co/AgpP66EEwT
— prime video IN (@PrimeVideoIN) November 5, 2026
నెట్‌ఫ్లిక్స్‌లోకి ‘రణబాలి’..
మరోవైపు విజయ్ దేవరకొండ, రష్మిక మందన్న జంటగా నటించిన ‘రణబాలి’ కూడా ఓటీటీలోకి వచ్చేందుకు సిద్ధమైంది. ఈ చిత్రం నవంబర్ 13 నుంచి ప్రముఖ డిజిటల్ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ కానుంది. శుక్రవారం నుంచి అందుబాటులోకి రానుండటంతో వీకెండ్‌లో సినిమా చూడాలనుకునే వారికి మంచి ఆప్షన్‌గా నిలవనుంది. థియేటర్లలో చూడలేకపోయిన ప్రేక్షకులు ఇంట్లోనే ఈ సినిమాను ఎంజాయ్ చేయవచ్చు.
‘రణబాలి’ స్టోరీ:
చారిత్రక నేపథ్యంతో తెరకెక్కిన ఈ చిత్రం వీరత్వం, పోరాటం, ప్రతీకారం, భావోద్వేగాల కలయికగా సాగుతుంది. గత కాలం నాటి పరిస్థితులు, అప్పటి సామాజిక వ్యవస్థ, ప్రజల జీవితాలు, వాటి మధ్య పుట్టుకొచ్చే సంఘర్షణలను కథలో చూపించారు. అన్యాయాన్ని ఎదిరించే ఓ వ్యక్తి ప్రయాణం, తన లక్ష్యం కోసం చేసే పోరాటం, ఎదురయ్యే సవాళ్లు ఈ కథకు ప్రధాన బలంగా నిలుస్తాయి. యాక్షన్‌తో పాటు కుటుంబ బంధాలు, ప్రేమ, త్యాగం వంటి భావోద్వేగ అంశాలకు కూడా ఇందులో ప్రాధాన్యం ఉండనుంది. చారిత్రక వాతావరణం, భారీ సెట్స్, ఆసక్తికరమైన కథనం ప్రేక్షకులకు కొత్త అనుభూతిని అందించనున్నాయి. మరి ఈ రెండు సినిమాల్లో ప్రేక్షకులను ఎక్కువగా ఆకట్టుకునేది ఏదో చూడాలి.
Singanamala Bobbili Ranabaali osthunnadu 🔥 https://t.co/lNBMTC1aYI
— Netflix India South (@Netflix_INSouth) November 9, 2026
