- బెంగాల్లో 32 వేల మంది టీచర్ల నియామకం రద్దు ఆర్డర్పై స్టే
- కలకత్తా హైకోర్టు ఉత్తర్వులు
కోల్‌‌కతా: బెంగాల్ స్కూల్ టీచర్ల నియామకాలను రద్దు చేస్తూ సింగిల్ బెంచ్ ఇచ్చిన ఉత్తర్వులపై కలకత్తా హైకోర్టు స్టే విధించింది. ఈ ఉత్తర్వులు ఈ సెప్టెంబర్ నెలాఖరు వరకు లేదా తదుపరి ఆదేశాలు జారీ చేసేదాకా అమల్లో ఉంటాయని స్పష్టం చేసింది. రిక్రూట్మెంట్ విధానాలు సరిగా పాటించలేదంటూ ఈ నెల 12న కలకత్తా హైకోర్టు సింగిల్ జడ్జి బెంచ్ 32,000 మంది టీచర్ల నియామకాలను నిలిపివేస్తూ ఉత్తర్వులు ఇచ్చింది. 2014లోని టెట్ ప్రకారం ట్రైనింగ్ తీసుకోని వాళ్లకు ఉద్యోగాలు కట్టబెట్టారని, ఇందుకు భారీగా అవినీతికి పాల్పడ్డారని పేర్కొంది. అందుకే వాళ్లందరి అపాయింట్మెంట్లను రద్దు చేస్తున్నామని ప్రకటిస్తూ 3 నెలల్లోగా కొత్త టీచర్లను రిక్రూట్ చేయాలని ఆదేశించింది. దీంతో బాధిత అభ్యర్థులు హైకోర్టును ఆశ్రయించగా.. డివిజన్ బెంచ్ శుక్రవారం విచారించింది. సింగిల్ జడ్జి ఇచ్చిన ఉత్తర్వులపై మధ్యంతర స్టే విధించింది. సింగిల్ బెంచ్ నిర్దేశించినట్లుగానే కొత్త టీచర్ల రిక్రూట్మెంట్ నిర్వహించుకోవచ్చని సంబంధిత
బోర్డుకు సూచించింది.
