కామారెడ్డి టౌన్, వెలుగు: డబ్ల్యూటీవో నుంచి భారత్వైదొలగాలని సీపీఐఎంల్(ప్రజాపంథా) కామారెడ్డి జిల్లా సెక్రెటరీ రామకృష్ణ డిమాండ్చేశారు. కేంద్ర ప్రభుత్వ కార్పొరేట్, మతతత్వ విధానాలకు వ్యతిరేకంగా సోమవారం కామారెడ్డి జిల్లాకేంద్రంలో ర్యాలీ నిర్వహించారు. రామకృష్ణ మాట్లాడుతూ.. కేంద్ర ప్రభుత్వం కార్పొరేట్ సంస్థలకు కొమ్ము కాస్తూ, పేద ప్రజలను అన్యాయం చేస్తుందన్నారు.
10 ఏండ్ల పాటు దేశానికి ప్రధానిగా ఉన్న మోదీ, పేదలకు చేసిందేమీ లేదన్నారు. ప్రతిఒక్కరి అకౌంట్లో రూ.10 లక్షలు వేస్తామని, యువతకు కోట్లల్లో ఉద్యోగాలు ఇస్తామన్న వాగ్దానాలు ఏమయ్యాయని ప్రశ్నించారు. ఐఎఫ్టీయూ జిల్లా సెక్రెటరీ ప్రకాశ్, ఏఐకేఎస్జిల్లా ప్రెసిడెంట్పరమేశ్, ఐఎఫ్టీయూ జిల్లా ప్రెసిడెంట్బాల్రాజు, పీడీఎస్యూ జిల్లా ప్రెసిడెంట్ సురేశ్పాల్గొన్నారు.
ALSO READ : కాంగ్రెస్ గూటికి ఆర్మూర్ మున్సిపల్ వైస్ చైర్మన్, కౌన్సిలర్లు
