Crizac IPO: 2025లో ఐపీవోల కోలాహలం నిరంతరాయంగా కొనసాగుతూనే ఉంది. ప్రపంచ మార్కెట్ల ప్రభావంతో ఈక్విటీ మార్కెట్లు కొంత ఒడిదొడుకుల్లో ఉన్నప్పటికీ ఐపీవోలు మాత్రం తమ లాభాల లిస్టింగ్ కోలాహలాన్ని కొనసాగిస్తూ బెట్టింగ్ వేసిన ఇన్వెస్టర్లకు కనకవర్షం కురిపిస్తూనే ఉంది.
ఇప్పుడు మనం మాట్లాడుకోబోతున్నది క్రిజాల్ లిమిటెడ్ కంపెనీ ఐపీవో గురించే. మెయిన్ బోర్డ్ కేటగిరీలో వచ్చిన ఐపీవో.. తాజా ఐపీవో ద్వారా దేశీయ స్టాక్ మార్కెట్ల నుంచి రూ.860 కోట్లను సమీకరించింది. అయితే ఎన్ఎస్ఈలో కంపెనీ షేర్లు వాస్తవ ఇష్యూ ధర కంటే 14.71 శాతం ప్రీమియం ధర రూ.284.05కి లిస్ట్ అయ్యాయి. అయితే ఆ తర్వాత మరింతగా పెరిగిన కొనుగోళ్లతో 11.25 గంటల సమయంలో 23.55 శాతం లాభపడి రూ.302 వద్ద స్టాక్ ట్రేడింగ్ కొనసాగిస్తోంది. ఇదే సమయంలో కంపెనీ షేర్లు బీఎస్ఈలో ఒక్కోటి రూ.302.60 రేటు వద్ద ఉన్నాయి.
కంపెనీ తన ఐపీవోను పూర్తిగా ఆఫర్ ఫర్ సేల్ రూపంలో తీసుకొచ్చి 3కోట్ల 51 లక్షల షేర్లను విక్రయించింది. రిటైల్ ఇన్వెస్టర్ల బెట్టింగ్ కోసం ఐపీవో జూలై 2 నుంచి జూలై 4 వరకు అందుబాటులో ఉంచబడింది. ఐపీవో తన ఇష్ట్యూ ధరను రూ.245గా ప్రకటించింది. లాట్ పరిమాణాన్ని 61 షేర్లుగా ఉంటచంతో రిటైల్ ఇన్వెస్టర్లు కనీసం రూ.14వేల 213 పెట్టుబడిగా పెట్టాల్సి వచ్చింది. అలాగే యాంకర్ ఇన్వెస్టర్ల నుంచి కంపెనీ రూ.285 కోట్లను విజయవంతంగా సమీకరించింది. ప్రధానంగా ఐపీవోలో నాన్ ఇన్టిట్యూషనల్ ఇన్వెస్టర్ల భాగం 80 రెట్లు సబ్ స్క్రిప్షన్ చూసింది.
కంపెనీ వ్యాపారం..
2011లో స్థాపించబడిన క్రిజాక్ లిమిటెడ్.. యునైటెడ్ కింగ్‌డమ్, కెనడా, రిపబ్లిక్ ఆఫ్ ఐర్లాండ్, ఆస్ట్రేలియా, న్యూజిలాండ్ లోని ప్రపంచ ఉన్నత విద్యా సంస్థలకు అంతర్జాతీయ విద్యార్థుల నియామక పరిష్కారాలను అందించే ఏజెంట్లు, ప్రపంచ ఉన్నత విద్యా సంస్థల కోసం B2B విద్యా వేదికగా సేవలందిస్తోంది. కంపెనీ 135 కి పైగా ప్రపంచవ్యాప్తంగా ఉన్నత విద్యా సంస్థలతో పనిచేస్తూ 5.95 లక్షలకు పైగా విద్యార్థుల దరఖాస్తులను ప్రాసెస్ చేసింది. సెప్టెంబర్ 2024 నాటికి, కంపెనీకి ప్రపంచవ్యాప్తంగా దాదాపు 7,900 మంది ఏజెంట్లు ఉన్నారు. యూకే, నైజీరియా, పాకిస్థాన్, బంగ్లాదేశ్, నేపాల్, శ్రీలంక, కామెరూన్, ఘనా, కెన్యా, వియత్నాం, కెనడా, ఈజిప్ట్‌తో సహా 25 కంటే ఎక్కువ దేశాల్లో దాదాపు 40% యాక్టివ్ ఏజెంట్లను కంపెనీ కలిగి ఉంది.
