ఫ్యూయల్కార్డులకు మస్తు గిరాకీ
తరువాత ఈ–కామర్స్ కార్డులు
న్యూఢిల్లీ: చిన్న, మధ్యస్థాయి పట్టణాల్లో, నగరాల్లో క్రెడిట్ కార్డ్‌‌‌‌లను ఉపయోగించడం పెరుగుతోంది. వీటిని తీసుకునే షాపుల సంఖ్య పెరగడం, వినియోగం సులభతరం కావడం, ఈజీగా రావడం ఇందుకు కారణాలు. సాధారణ క్రెడిట్కార్డుల కంటే కో–బ్రాండెడ్కార్డుకు గిరాకీ బాగా ఉంది. పెట్రోల్/డీజిల్ పోయించుకుంటే రివార్డు పాయింట్లు వచ్చే ఫ్యూయల్ క్యాష్‌‌‌‌బ్యాక్ క్రెడిట్ కార్డ్‌‌‌‌లకు అధిక డిమాండ్ కనిపిస్తోంది. ట్రావెల్, ఈ–-కామర్స్ క్రెడిట్ కార్డ్‌‌‌‌లను కూడా చాలా మంది తీసుకుంటున్నారని ఫిన్టెక్ ప్లాట్ఫారమ్ జెడ్ఈటీ విడుదల చేసిన స్టడీ రిపోర్టు వెల్లడించింది.
పెట్రో ఖర్చులు పెరగడంతో, ఫ్యూయల్ క్రెడిట్ కార్డ్‌‌‌‌లు అన్ని ప్రాంతాల్లో ప్రజాదరణ పొందుతున్నాయి. 2023లో ఇవి 17శాతం వార్షిక వృద్ధిని నమోదు చేశాయి. ఈ కార్డ్‌‌‌‌లు క్యాష్‌‌‌‌బ్యాక్, రివార్డ్ పాయింట్లను లేదా పెట్రోల్ కొనుగోళ్లపై తగ్గింపులను అందిస్తాయి. బీపీసీఎల్ ఎస్బీఐ క్రెడిట్ కార్డ్, ఇండియన్ ఆయిల్ కోటక్ క్రెడిట్ కార్డ్, ఐడీఎఫ్సీ హెచ్పీసీఎల్క్రెడిట్ కార్డ్ వంటి ఫ్యూయల్ క్యాష్‌‌‌‌బ్యాక్ కార్డ్‌‌‌‌లకు చాలా డిమాండ్ ఉంది. టైర్-2, 3 పట్టణాలు, నగరాలవాసులు కూడా హాలిడేలకు వెళ్లడం పెరిగింది.
అందుకే ట్రావెల్ క్రెడిట్ కార్డ్‌‌‌‌లు కూడా ఆదరణ పొందుతున్నాయి. ట్రావెల్ క్రెడిట్ కార్డ్‌‌‌‌ల డిమాండ్ 2023లో వేగంగా పెరిగింది. ఇవి ఎయిర్ మైల్స్, హోటల్ డిస్కౌంట్‌‌‌‌లు, ట్రావెల్ రివార్డ్‌‌‌‌ల వంటివి ఇస్తాయి. ఎస్బీఐ ఐఆర్సీటీసీ, యాక్సిస్ విస్తారా, ఐడీఎఫ్సీ విస్తారా కార్డులకు ఫుల్లు డిమాండ్ ఉంది.
