బషీర్బాగ్, వెలుగు: అమెజాన్ కస్టమర్ సపోర్ట్ నుంచి కాల్ చేస్తున్నామని నమ్మించి ఓ వృద్ధుడిని సైబర్ చీటర్స్ మోసగించారు. హైదరాబాద్ సైబర్ క్రైం ఏసీపీ శివమారుతి తెలిపిన వివరాల ప్రకారం.. గాంధీనగర్ కు చెందిన ఓ వృద్ధుడు ఈ నెల 14న అమెజాన్ లో ఒక వస్తువును ఆర్డర్ చేశాడు. అడ్రస్లో సమస్య కారణంగా క్యాన్సిల్అయిందని చీటర్స్18న కాల్ చేశారు.
ఇది నమ్మిన బాధితుడు మరోసారి ఆర్డర్ పెట్టాడు. అయినా రాకపోవడంతో గూగుల్ లో అమెజాన్ కస్టమర్ కేర్ నంబర్ కోసం సెర్చ్ చేశాడు. స్కామర్స్ పోస్ట్ చేసిన ఫేక్ కస్టమర్ నంబర్ ను సంప్రదించాడు. వారు వాట్సాప్కాల్చేసి, రూ.10 వెరైఫికేషన్ కోసం డిపాజిట్ చేయాలని లేకపోతే ఆర్డర్ క్యాన్సిల్ అవుతుందని చెప్పారు. అనంతరం ఓటీపీ చెప్పాలని అడగడంతో చెప్పాడు. స్కామర్స్అతని అకౌంట్ నుంచి రూ.1,36,890 కాజేశారు. గురువారం బాధితుడి ఫిర్యాదు మేరకు కేసు నమోదు చేసినట్లు ఏసీపీ పేర్కొన్నారు.
