తమిళ స్టార్ హీరో ధనుష్(Danush) తన కొత్త సినిమాకు సంబంధించిన అప్డేట్ ఇచ్చారు. ప్రస్తుతం అయన "కెప్టెన్ మిల్లర్(Captain Miller)" అనే సినిమా చేస్తున్నారు. అరుణ్ మాతేశ్వరన్(Arun Matheshwaran) దర్శకత్వం వహిస్తున్న ఈ సినిమా షూటింగ్ ఇటీవలే కంప్లీట్ అయింది. గత కొంత కాలంగా ఈ సినిమా కోసం గుబురు గడ్డం, లాంగ్ హెయిర్ తో కనిపించిన ధనుష్.. లేటెస్ట్ సినిమా కోసం లుక్ మొత్తం మార్చేశారు.
ఈ సినిమాలో ధనుష్ గుండులో కనిపించనున్నారు. ఇటీవల తిరుమల వెళ్లిన ధనుష్.. స్వామివారికి తన తలనీలాలు అర్పించుకున్నారు. ధనుష్ గుండుతో తిరుమలలో కనిపించిన ఫొటోస్ సోషల్ మీడియాలో వైరల్ గా మారాయి. ఆ తరువాతి రోజే ధనుష్ తన కొత్త సినిమాపై క్లారిటీ ఇచ్చారు. ఇందుకు సంబందించిన అనౌన్స్మెంట్ పోస్టర్ కూడా రిలీజ్ చేశారు. ఈ పోస్టర్ లో ధనుష్ గుండుతో కనిపించి అందరినీ ఆశ్చర్యపరిచారు.
ALSO READ :అరె ఓ మార్క్.. రాస్కోరా.. బ్రో మూవీ నుండి పవన్ డైలాగ్ వైరల్
ఈ సినిమా విషయంలో ఆడియన్స్ కు మరో సర్ప్రైజ్ ఇచ్చారు ధనుష్. అదేంటంటే.. ధనుష్ కెరీర్ లో 50వ సినిమాగా రానున్న ఈ మూవీకి ఆయనే స్వయంగా దర్శకత్వ బాధ్యతలు చేపడుతున్నారు. సన్ పిక్చర్స్ నిర్మిస్తున్న ఈ సినిమా 2024లో ప్రేక్షకుల ముందుకు వచ్చే అవకాశం ఉంది. మరి కెరీర్ లో మొదటిసారి మెగాఫోన్ పట్టనున్న ధనుష్.. ఆ సినిమాతో ఎలాంటి రిజల్ట్ అందుకుంటారో చూడాలి.
