- వైస్ చైర్మన్ పదవికి తీవ్ర పోటీ
- ఏకాభిప్రాయం తర్వాతే ఎన్నిక
నిజామాబాద్, వెలుగు : ఉమ్మడి నిజామాబాద్ జిల్లా డీసీసీ బ్యాంక్ చైర్మన్ఎన్నిక మంగళవారం జరుగనుంది. ఇదివరకు బ్యాంకు చైర్మన్గా ఉన్న పోచారం భాస్కరరెడ్డి మీద డైరెక్టర్లు అవిశ్వాసాన్ని ప్రకటించగా.. ఈనెల 21న మీటింగ్ నిర్వహించారు. మెజారిటీ డైరెక్టర్లు అవిశ్వాసానికి అనుకూలంగా ఓటేయడంతో ఆయన పదవిని కోల్పోయారు. వైస్ చైర్మన్ కుంట రమేశ్రెడ్డికి అదే రోజు ఇన్చార్జ్ చైర్మన్గా బాధ్యతలు అప్పగించారు.
పూర్తిస్థాయి చైర్మన్ ను ఎన్నుకునేందుకు మంగళవారం సమావేశం ఏర్పాటు చేశారు. చైర్మన్ ఎన్నిక లాంఛనమే కాగా.. వైస్ చైర్మన్ పదవికి డైరెక్టర్ల మధ్య పోటీ తీవ్రంగా ఉంది. దీంతో ఏకాభిప్రాయాన్ని సాధించిన తర్వాత వైస్ చైర్మన్ ఎన్నిక నిర్వహించాలని డైరెక్టర్లు భావిస్తున్నారు.
నోకాన్ఫిడెన్స్ సక్సెస్
పోచారం భాస్కర్రెడ్డి ఆధిపత్యాన్ని సహించలేక బీఆర్ఎస్ కే చెందిన డైరెక్టర్లు అవిశ్వాసానికి సిద్ధపడ్డారు. భాస్కరరెడ్డిని వ్యతిరేకిస్తున్న మెంబర్లకు వైస్ చైర్మన్ కుంట రమేశ్రెడ్డి నాయకత్వం వహించారు. డైరెక్టర్లను సమీకరించడంతో పాటు వారిని ఒక్కతాటిపైకి తెచ్చి నో కాన్ఫిడెన్స్ ప్రతిపాదించారు. బీఆర్ఎస్ ప్రభుత్వం పోయి కాంగ్రెస్ అధికారంలోకి రావడంతో వారికి కాంగ్రెస్ సపోర్ట్ లభించింది.
రమేశ్ రెడ్డికి సమీప బంధువైన మాజీ మంత్రి, బోధన్ఎమ్మెల్యే సుదర్శన్రెడ్డి వారికి అండగా ఉండి.. అవిశ్వాసం నెగ్గేలా వ్యూహరచన చేశారు. భాస్కర్రెడ్డి ప్లేస్లో ఇన్చార్జిగా రమేశ్రెడ్డి బాధ్యతలు తీసుకున్నారు. రమేశ్రెడ్డికే మెజారిటీ డైరెక్టర్ల మద్దతున్నందువల్ల ఆయనే చైర్మన్గా ఎన్నికయ్యే అవకాశం ఉంది.
వైస్ చైర్మన్పదవికి పోటీ
వైస్ చైర్మన్ పదవి కోసం ముగ్గురు డైరెక్టర్లు పోటీ పడుతున్నారు. ఎస్సీ సామాజిక వర్గానికి చెందిన డైరెక్టర్ పి.సాయికుమార్(గాంధారి) , సిద్ధి రాములు (జంగంపల్లి), కమ్మ సామాజిక వర్గానికి చెందిన శరత్(బోధన్) ఈ పదవిని ఆశిస్తున్నారు. ముగ్గురు కూడా ఎవరికి వారే తమ ప్రయత్నాలు చేస్తున్నారు. ఎవరూ తగ్గకపోవడంతో ఏకాభిప్రాయం కోసం కాంగ్రెస్ ముఖ్య నేతలు సంప్రదింపులు చేస్తున్నారు. ఈ ప్రయత్నాలు ఒక కొలిక్కి వచ్చిన తర్వాతే వైస్ చైర్మన్ ఎన్నిక జరగనుంది.
ఎన్నిక ఏకగ్రీవమే
డీసీసీబ్యాంకులో 20 మంది డైరెక్టర్లకు ఓటు హక్కు ఉంది. అందులో 11 మంది అటెండ్ అయితే కోరం ఉన్నట్టే. 11 మంది హాజరైతే చైర్మన్ ఎన్నిక నిర్వహిస్తారు. మంగళవారం జరిగే ఎన్నికలో ఒక్కరే నామినేషన్ వేస్తారని, ఎన్నిక ఏకగ్రీవమవుతుందని భావిస్తున్నారు. ఒకవేళ సమీకరణాలేమైనా మారి ఎక్కువ మంది పోటీలో ఉంటే ఎన్నిక జరుగుతుంది. ఎన్నికల ప్రక్రియ జిల్లా కోఆపరేటివ్ ఆఫీసర్(డీసీఓ) శ్రీనివాస్రావు ఆధ్వర్యంలో జరుగుతుంది.
