న్యూఢిల్లీ, వెలుగు: మేడిగడ్డ బ్యారేజీ కుంగిపోవడంపై సీబీఐతో విచారణ జరిపించాలంటూ దాఖలైన పిటిషన్పై రాష్ట్ర హైకోర్టుకే వెళ్లాలని ఢిల్లీ హైకోర్టు సూచించింది. ఇటీవల నేషనల్ డ్యాం సేఫ్టీ అథారిటీ (ఎన్ డీఎస్ఏ) మేడిగడ్డ బ్యారేజీని పరిశీలించింది. భద్రతా లోపాలను గుర్తించినా కేంద్రం చర్యలు తీసుకోలేదని పీసీసీ ఉపాధ్యక్షుడు నిరంజన్ ఢిల్లీ హైకోర్టును ఆశ్రయించారు. ఈ అవినీతిపై సీబీఐతో విచారణ జరిపించాలని పిటిషన్లో పేర్కొన్నారు.
ఎన్డీఎస్ఏ సూచించినట్లు డ్యాం సేఫ్టీపై చర్యలు తీసుకునేలా కేంద్రాన్ని ఆదేశించాలని కోరా రు. ఈ పిటిషన్ జస్టిస్ సుబ్రమణియం బెంచ్ ముందుకు మంగళవారం విచారణకు వచ్చిం ది. హైదరాబాద్కు సంబంధించిన అంశం ఇక్కడికి తీసుకురావాల్సిన పరిస్థితి ఏంటని ధర్మాసనం ప్రశ్నించింది. ‘అక్కడి పరిస్థితులను చూసి స్థానిక హైకోర్టు జడ్జీలే బెటర్గా విచారిస్తారు. డ్యామ్ ఎక్కడ ఉందో.. అక్కడి హైకోర్టును ఆశ్రయించడం మంచిది”అని సూచించారు.
