న్యూఢిల్లీ: గణతంత్ర దినోత్సవ వేడుకలకు ముందు ఢిల్లీలో అశాంతిని సృష్టిస్తామని బెదిరింపులకు పాల్పడిన సిఖ్ ఫర్ జస్టిస్ (ఎస్ఎఫ్జే) నాయకుడు గురుపత్వంత్ సింగ్ పన్నూన్ పై ఢిల్లీ పోలీసులు శుక్రవారం (జనవరి 23) కేసు నమోదు చేశారు.
నేరపూరిత కుట్ర, భారతదేశ సార్వభౌమత్వం, ఐక్యత, సమగ్రతను ప్రమాదంలో పడేసే చర్యలు, జాతీయ భద్రతకు ముప్పు కలిగించే ఇతర నేరాలకు సంబంధించిన బీఎన్ఎస్ సెక్షన్లు 196, 197, 152, 61 కింద ఢిల్లీ పోలీసు ప్రత్యేక విభాగం ఎఫ్ఐఆర్ నమోదు చేసింది.
రిపబ్లిక్ డే సందర్భంగా ఢిల్లీని లక్ష్యంగా చేసుకుని బెదిరింపులకు పాల్పడుతూ పన్నూన్ఇటీవల సోషల్ మీడియాలో ఓ వీయోను రిలీజ్ చేశాడు. అందులో రోహిణి, దబ్రి వంటి ప్రాంతాలలో తమ స్లీపర్ సెల్స్ ద్వారా ఖలిస్తాన్ అనుకూల పోస్టర్లు అతికించామని అతడు వీడియోలో పేర్కొన్నాడు. అయితే, పన్నూన్పేర్కొన్న ప్రదేశాలలో అలాంటి పోస్టర్లు ఏమీ లేవని పోలీసులు తెలిపారు.
